ميدان وردك ده طالبان تمانيدن اوغيرلنگن ١١ يولوچي قويب يوباريلدي
neshananews
01 December 2020ميدان وردك محلي رسميلري طالبان تمانيدن اوغيرلنگن١١ يولوچي بوگروه تمانيدن قويب يوباريلگني ني تصديق لشكن.
ميدان وردك ولايت حاكمي سوزچيسي محب الله شريف زي بوكون( سه شنبه١١ قوس) نشانه خبر آژانسي بيلن صحبت ده بو يولوچيلرني طالبان اوتكن كيچه قويب يوبارگن ديدي. شريف زي جنابلري بو مسافرلرني قويب يوباريليشي ده محلي اداره و قوم باشليغ لري مثبي رول اوينه گني ني ايتي.
طالبان جنگچي قربب ايككي هفته آلدين ميدان وردك ايككينچي شاه يوليدن ٢٨ مسافرني موترلردن توشريب نامعلوم جاي گه انتقال بيرگنديلر. بو گروه ١٧ كيشي ني اول گي كون قويب يوبارگندي و ١١ كيشي اوتكن كيچه گه چه بو گروه نزديده اسير ايدي. محلي رسميلرگه كوره بو مسافرلر ميدان وردك ولايتي جلريز و بهسود تومن يشوچيلري بولگن.
ميدان وردك ني ايككينچي شاه يولي كابل و بو ولايت ني مركزي ولايتلر بيلن باغلوچي شاه يول دير و انده سنده طالبان و ناقانوني قوراللي گروه لرني بونداي آدم اوغيرلش واقعه لريگه گواه دير. بو شاه يول خوفسيزليگي ني تاميتزلش اوچون امنيتي ارگانلر سعي وحركتلري حاضرگه قدر قانعقرلي نتيجه بيرمگن.
