ميدان وردک‌ده طالبان نینگ اون ماین تیارلوچی جنگچیلری حبسگه آلینگن
neshananews
07 July 2021مدافعه وزیرلیگی رسميلری ميدان وردک ولایتیده طالبلرنینگ ماین جایلشتیروچی جنگچیلزی حبسگه آلینگنلیگینی تصدیقله‌ماقده.
مدافعه وزیرلیگی سوزچیسی اۉرین‌باسری فواد امان بوگون ( چارشنبه ۱۶ سرطان) اۉزی نینگ نویتتر-ده‌گی صحیفه‌سیده طالبان نینگ بو ماین جایلشتیروچی جنگچیلری ميدان وردک ولایتی مرکزی ميدان شهرده حبسگه آلینگنلیگینی یازگن.
جناب امان نینگ قۉشیمچه قیلیشیچه، بو آدملر ميدان وردک ولایتیده‌گی ۱ و ۲-سانلی شاه‌یوللرده بۉیلب ماینلر و پارتلاوچی مادّه‌لر اۉرنه‌تر ایکن.
طالبان حاضرچه بوباره‌ده ایضاح بېرمه‌گن.
تأکیدلش جایزکی، یۉل بۉییده‌گی و مقناطیسی ماینلر مملکتده تینچ اهالی دن قربانلیک آله‌یاتکان اساسي سببلریدن بیریگه ایلندی. طالبان خوفسیزلیک کوچلریگه هجوم قیلیش اوچون جماعت یۉللریگه ماینلر اۉرنه‌تماقده. بیراق، اوشبو ماینلر نینگ پارتلشی اکثریت حاللرده تینچ اهالینی اۉلدیرماقده.
افغانستان مستقل انسان حقوقلری کمیسیونسی ایلگری طالبلرنی جماعت یۉللریده ماینلر یاتقیزیش بیلن باغلیق حالده حربي جنایتلرده عیبله‌گن.
