میدان وردک محلی رسیملری، بیر خصوصی عالی اوقویورت صحنیده جایلشتیریلگن ماین پارتلشی نتیجه سیده بیر طلبه اولدیرلیب و بیش طلبه تن جراحت کورگنی نی تصدیق لشکن.

میدان وردک ولایت حاکمی سوزچیسی محب الله شریف زی بوکون ( سه شنبه ۲۰ عقرب) نشانه خبر آژانسی بیلن صحبت ده، بو واقعه اوتکن کونی توش دن سونگ میدان شهرده غالب عالی اوقویروتی صحنی ده یوزبیرگنی دن خبر بیردی. شریف زی جنابلریگه کوره بو واقعه ده بیر طلبه اوز جانی نی قولدن بیرگن و بیش طلبه هم یاره لنگن.

میدان وردک ولایت حاکمی سوزچیسی، بو واقعه بو عالی اوقویورت صحنیده جایلیشتیریلگن ماین پارتلشی سبب یوز بیرگن دیب بو ایش طالبان تمانیدن بجریلگنی نی اوزغولشدی. طالبان گروهی اما حاضرگه قدر بو باره ده بیران نرسه ایتمگن.

طالبان گروهی جنگچی لری سونگی وقت لرده مملکت بویلب ماین و پارتلوچی ماده لردن کوپلب استفاده قلیب و بوندای پارتلش لرده عمومن عادی اهالی قربان بولیب کیلماقده.