فاریاب خوفسیزلیک مسووللری ، طالبلرنب ولایت مرکزی میمنه‌ شهریگه قرشی هجوملرنی قَیتریلگنی‌دن خبربیرگن. رسمیل گه کوره خوفسیزلیک کوچلری هجومنی قَیترگن‌حالده، ۳۳ نفر طالبان جنگریسینی، شو جمله‌دن اوچته یوقاری درجه‌لی قومانداننی اۉلدیرگن.
فاریاب پولیس‌ قوماندانلیگی سوزچیسی محمد کریم یورش بوگون (چهارشنبه‌ ‌ ۱۶ سرطان) نشانه اخبارات آژانسی بیلن صحبت‌ده کېچه‌ طالبلر پشتون کوت تومنیده‌گی کوهیخانه قیشلاغیگه و فاریاب ولایتی مرکزی میمنه اطرافیگه هجوم قیلگنینی ایتدی.
جناب یورش نینگ تأکیدلشیچه، هجوملر مملکت خوفسیزلیک و مدافعه‌ کوچلری تمانیدن اردو هوا کوچلری کۉمه‌گیده قَیتریلگن. جناب یورش نینگ سۉزلریگه کۉره‌، اردو هوا کوچلری پشتون کوت تومنیده‌گی کوهیخانه قیشلاغیده طالبان پوسته‌لرینی نشانگه آلگن. کوهیخانه قیشلاغی فاریاب ولایتی مرکزی میمنه شهری چکه‌سیده، جایلشگن.
تۉقنه‌شوو نتیجه‌سیده ۳۳ نفر طالبان جنگچیسی اۉلدیریلگن، ۱۱ نفری یاره‌لنگن. تۉقنه‌شووده هلاک بۉلگنلر آره‌سیده طالبان نینگ اوچ مهم قوماندانی هم بار.
فاریاب پولیس قوماندانلیگی سوزچیسی نینگ ایتیشیچه، مدافعه‌ کوچلری بیلن بیر قطارده مردمی قوتلرهم مخصوص پولیس‌ کوچلری هم قتنه‌شگن.
جناب یورش نینگ قۉشیمچه‌ قیلیشیچه، میمنه شهری اطرافیده جایلشگن ایککی محلده طالبان بیلن جنگ بوگون تانگ ساعت ۴ لرگچه دوام اېتگن. فاریاب پولیس قوماندانلیگی سوزچیسی جنگلرده ایکّی خوفسیزلیک کوچلری هلاک بۉلگنینی و ینه‌ تۉرت کیشی یاره‌لنگنینی تصدیقله‌دی.
طالبان حاضرچه بو حقده مناسبت بیلدیرمه‌گن.
میمنه شهری اطرافیده خوفسیزلیک و مدافعه‌ کوچلری تمانیدن طالبلر نینگ هجومی اوندای بیرحالده قَیتریلماقده، که‌ خوفسیزلیک و مدافعه‌ رسميلری شِمالده طالبان موقعلریگه هوا هجوملری کۉپه‌یگنی حقیده خبر بېریشماقده.