نجیب بنگی، بدنی‌ده‌گی یاره‌لری بیلن تینچلیک‌گه قوچاغ آچکن
neshananews
13 June 2021نجیب‌بنگی ملي اردونینگ بدخشان ولایتی وردوج تومنیده‌گي کندکی قوماندانی‌دیر؛ بو تومن نيچه ییل طالبان نظارتي آستیده ایدی. امنیتی‌قوتلر بوندن ایککی‌ییل آلدین بو تومن‌ني ایریم حدودلرینی بیر حربی عملیات آرقلی طالبان نطارتی‌دن چیقاردیلر.
وردوج تومنی‌نینگ ایریم تاغلیک منطقه لری هلی هم طالبان گروهی نظارتي آستیده دیر و اوتکن ییلی و جاري ییلده بو تومنده امنیتی قوتلر پوسه و مرکزلرینی تصرف ایتیش اوچون اونلب هجوم‌ني یولگه قویدیلر. اما امنیتی قوتلر مقاومتی سبب طالبان‌نینگ هجوملری شکست‌گه اوچرب و بوگروه جنگچیلری بو تومن مرکزی منطقه‌لری‌ني تصرف ایته آلمدیلر.
نجیب‌بنگی بو تومنده ملي اردوقوتلری قوماندانی‌دیر. او ديدي بو تومن اوتکن ییلی تشقی تروریستلرنی اینگ مهم قرارگاه و مرکزی ایدی و بدخشان ده اوروش‌ني باشقریلیشی اوچون طالبان نینگ مرکزی‌گه ایلنگندی. اونگه کوره حاضر امنیتی قوتلر مقاومتی سبب بو تومن سقوط خطریدن قوتیلگن و طالبان بو تومنده اوروش‌ني باشقریش وریجه‌لشتیرش اوچون هیچقندای استفاده قیله آلمیدیلر.
نجیب‌بنگی تخار ولایتی بنگی تومنی یشوچیسی دیر و اون ییل‌دن بیری ملي اردو صفیده طالبان گروهی گه قرشی کورشیب کیلماقده. قندوز، تخار، بغلان و بدخشان ولایتلریده طالبانگه قرشی کورشکن نجیب‌بنگی دیدی، اوروش‌نینگ میراثی منی اوچون بدنیم‌ده‌گی یاره‌لر و عینی دمده منطقه‌ده حاکم بولگن تینچلیک دیر و بو میراث منگه کورش اوچون کوپراق تویغو بیرگن.
بنگی جنابلری بیر کوزینی هم وطن یولیده قولدن بیرگن و هلی هم بدخشان‌نینگ اینگ ناتینچ بولگن تومنی‌ده صلح و تینچلیک‌ني تامینلش اوچون اردو قوتلرینی باشقریب کیلماقده. او افعانستان حاکمیتی، مستقللیگی، ییرحدودی و آزادلیگی‌ني سقلش اوچون اوروش میدانیگه کیلگن من دیب بو یول‌ني مملکت‌ده دایمی تینچلیک تامینلشی وقتی‌گه‌چه دوام ایتیره‌من دیدی.
بنگی‌جنابلری کندز ولایتی‌ني طالبان دن قیته آلیش عملیاتلریده نيچه بار اشتراک ایتکن و بدخشان ولایتی‌نینگ زیباک تومنی‌‌نی سقوط قیلیشی آلدینی آلیش جریانیده‌گی توقنشوده بیر کوزینی قولدن بیرگن.
بدخشان یشوچیلری ملي اردونینگ بو قوماندانی گه زیباک تومنی سقوطی آلدینی آلیش و طالبان‌نینگ مهم قرارگاه‌سي بولگن “یردار” منطقه‌سيني تصرف ایتکنی اوچون بیر چمپیان و قهرمان اوله‌راق باقه‌دیلر. بدخشان یشوچیلریگه کوره نجیب بنگی نینگ سنگرلری آلیب بولمس دير و اهالیگه کوره او باشقرگن برچه اوروشلر بوتون موفقیت و غلبه بیلن یولداش ایکن.
بنگی‌جنابلری، مین باشقره‌یاتکان قوتلردن مردم‌نینگ کون اوتیشی بیلن آرتیب باره‌یاتکان حمايت و ارقه‌داشلیگ‌لری، قولدن بیرگن کوزیم قیغوسی و بدنیم‌ده‌گی یاره لر دردینی حس قیلمسلیگی‌گه سبب بولگن دیب فخر بیلن بو کمچیلیکلرنی مقاومت و کورش نتيجه و ثمره سي بیله‌من دیدی.
اردونینگ بو قوماندانی هرچند مملکت‌نینگ اکثر ولایتلریده طالبانگه قرشی کورشکن اما جاري وضعیت و دوام ایته‌یاتکان اوروش افغانستان ني باشی‌بیک کوچه‌گه کیریب قالگن وضعيتي توگونی‌ني آچه‌آلمیدی دیدی. اونگه کوره طالبان مردم، جهان جماعه‌سي و اسلامی مملکت‌لر آوازینی تینگلب بو اوروش‌گه نقطه قویشی لازم دیدی.
اردونینگ بو قوماندانی حکومت و امنیتی قوتلر قوچاغی اوروش دن قوت تارتکن کیشی لر یوزیده آچیق‌دیر و امنیتی قوتلر صلح مذاکره‌لریدن مدافعوی حالت ني اختیار قیلیش بیلن اوز حمايت و ارقه داشلیک‌لرینی اثبات‌لشتیردیلر دیب تاکیدلشدی.
بنگی‌جنابلری افعانستان اهالی‌سی، جهان جماعه‌سي و امنیتی قوتلر، امارت تیزیمی قیته‌تیکلنیشی‌نی ایسته‌میدیلر دیب اونگه کوره طالبان افعانستان اولکه‌سي حقیقتلرینی انگلب اوروش‌دن قول تارتیشلری لازم و صلح مذاکره‌لری میزیده بو مملکت ترقی و برقرارلیگی اوچون افعانستان خلقی یانیده توریشلری کیرک دیر‌دیب تاکیدلشدی.
بو قوماندان‌گه کوره اوروش و قانلی زوروانلیک‌لر آرقلی موفقیت‌گه ایرشیش اوچون طالبان‌نینگ محاسبه‌سي خطادیر و بوگروه‌ني بوندای حرکتلری مملکت‌ده صلح و تینچلیک اوچون مساعد بولگن فرصت‌ني هم نابود قیلیشی ممکن دیدی. او تاکیدلشدی اگر طالبان جهان جماعه‌سي تمانیدن حمايت بوله‌یاتکان و حاضر مساعد بولگن فرصت‌دن توغری فایده‌لنمسه، امنیتی قوتلر برچه کوچ و امکاناتلری بیلن بو گروه‌گه قرشی کوره‌شیب صلح و تینچلیک‌ني مملکت گه برقرار قیله‌آله‌دیلر دیدی.
بنگی‌جنابلری دیدی مین مملکت حدودی، مستقللیگی، آزادلیگی و امنیتی اوچون قورال کوتاریب و بو یولده شک و شبهه‌سیز کورشیم‌ني دوام ایتره‌من. اونگه کوره اگر طالبان افعانستان ملتی آسایشته‌لیک و تینچلیگی اوچون اویلب و اسلامی قدریتلرگه ایشانسه‌لر اسلام دینی بویروغلری و مردم‌نینگ طلبی گه موافق اوروش و برادرکشلیک‌دن قول تارتیشلری لازم.
ملي اردونینگ بو قوماندانی، افعانستان دن خارجی قوتلرنی چیقیشی بیلن طالبانگه اوروش‌ني دوام ایتیریش اوجون هیچ بهانه قالمیدی و بو گروه مردم بیلن یوز مه یوز بولیش اوچون آغیر تاوان بیریشی نی طالبان رهبرلری انگله‌گن بولسه‌لر دیب اوز فکرلرینی یکونلنتیردی.
