ننگرهار امنيتي مسوللريگه كوره بو ولايت نينگ شيرزاد تومني ده طالبان جنگچي لري هجومي امنيتي قوتلر تمانيدن دفع ايتيلگن عمليات ده بوگروه نينگ ١٦ جنگچي سي بيش پاكستان ليك جنگچي داخل اولديريلگن.

ننگرهار ولايت حاكمي مطبوعات مسولي بوكون( حهارشنبه ١٢ سنبله) بير خبرنامه نشر ايتيب شيرزاد تومني نينگ ” دوبندي” و ” شرلال خيل” منطقه لريده امنيتي قوتلر طالبان هجوميني دفع ايتيش چاغيده بو گروه نينگ ١٦ جنگچي سي ني نابود قيلنگني تاكيدلنگن. خبرنامه ده اولديريلگن جنگچي لردن بيش كيشي سي پاكستانليك جنگچي لر بولگني قيد ايتيليب بو توقنشو ده امنيتي قوتلردن بير عسكر قربان و اوچ عسكر ياره لنگني هم ايتيلگن.

ننگرهار مملكت شرقيده جايلشكن ناتينچ ولايت دير. پاكستان بيلن چيگره داش بولگن بو ولايت ده پاكستان ليك جنگچي لر كوپراق فعال دير. بوندن آلدين هم طالبان گروهي نينگ پاكستانليك اعضالري امنيتي و مدافعوي قوتلر برابريده اورشيب كيلگني دن باربار خبرلر نشر بولگن.