ملی امنیت عمومی ریاستی، بو اداره ملازملری ننگرهار ولایتی ده ۱مینگ و ۳۰۰ کیلوگرام پارتلوچی ماده یوکلنگن بیر نقلیه واسطه نی توتقین ده آلگنی دن خبربیرگن.

ملی امنیت اداره سی بوکون ( دوشنبه ۱۷ جوزا) نشرایتکن خبرنامه سیده « امونیم نایتریت » پارتلوچی ماده دن توله بولگن بو نقلیه واسطه جلال آباد شهریده ملی امنیت اداره سی ملازملری نینگ بیرمخصوص عملیاتی نتیجه سیده قولگه آلینگنی تاکیدلنگن.

بو اداره خبرنامه سیده ننگرهارولایتی دولتی اداره لریگه قرشی ییریک بیر پارتلش یولگه قویلیشی مقصدی بیلن بو پارتلوچی ماده میدان وردک ولایتی دن جلال آبادشهریگه انتقال بیریلگنی قید ایتیلگن.

خبرنامه گه کوره بو موتردن قولگه کیلگن پارتلوچی ماده قریب ۱۳ کیلومترساحه سیده‌گی بنالرنی ویران ایتیش کوچی گه ایگه بولگن.

طالبان گروهی گه تیگیش لی بولگن بو ییریک پارتلوچی ماده ننگرهار ولایتی ده اوندای بیرحالده قولگه آلینگن که سونگی وقتلرده مملکت نینگ تورلی ولایتلریده قانلی پارتلش لر میزانی کوپیگن. مملکت امنیتی اداره لری بوندای هجوملر طالبان جنگچی لری تمانیدن ریج لشتیریلگنی ایتیشکن. اما طالبان بوندای هجوملرده دخلدارایکن لیک لرینی قبول ایتمگن.