ننگرهار محلي رسميلري بوولايت نينگ شيرزاد تومنيده يول چكه سيده جايلشتيريلگن ماين پارتلشي ايككي كيشي دن جان آليب و تورت كيشي ني ياره لنتيرگني ني تصديق لشكن.
ننگرهار پوليس سوزچيسي فريدخان نشانه خبر آژانسي بيلن صحبت ده بو پارتلش بوكون ايرته لب ( چهارشنبه ٢٢ثور) ساعت ٦ ده شيرزاد تومني گه تيگيشلي بولگن ” گندمك” قشلاقي حدوديده يوز بيرگن ديدي. خان جنابلريگه كوره بو واقعه ده سراچه توريدن بولگن بير نقليه واسطه يول چكه سيده جايلشتيريلگن ماين بيلن دوچ كيلگن .
ننكرهار پوليس سوزچيسي بو پارتلش ده بو نقليه واسطه نينگ ايككي يولوچيسي اولديريليب و تورت يولوچيسي هم جراحت كورگني دن خبر بيردي. اونگه كوره بو پارتلش لرچه قربانلري عادي اهالي بولگن.
حاضرگه قدر هيچ ببر گروه بو واقعه مسوليتي اوز بوينيگه آلمگن، اما امنيتي ارگانلر طالبان جنگچي لريني بو واقعه مسوولي تانيشترگن.