هایتی دولتی‌، بومملکت جمهوررییسی جوینل مویز استقامت قیله‌یاتگان اوییده  نامعلوم شخصلر تامانیدن اویشتیریلگن هجوم نتیجه‌سیده اۉلدیریلگنلیگینی اعلان قیلدی.

 رویترز خبر‌آژانسی معلوماتیگه کوره، هایتی نینگ وقتینچه‌ باش وزیری کلود جوزف بوگون (چهارشنبه‌ ‌ ۱۶ سرطان) مملکت جمهوررییسی پورتو پرینس‌ شهریده‌گی شخصی استقامتگاهیده اۉلدیریلگنلیگینی تصدیقله‌دی.

 هایتی جمهوررییسی نینگ تورموش اورتاقی و مملکت بیرینچی خانمی  مارتین مویز حاضرده کسلخانه‌ده یاتقیزیلگن.

 هایتی باش وزیری جمهوررییس نینگ اۉلدیریلیشینی جیرکنچ و غیرِ انساني حرکت دېب تعریفله‌گن.

 رویترز خبریگه کۉره‌، هایتی پولیس‌ اېندی مملکت‌نی تۉلیق نظارت قیلماقده.

بو مملکت سیاسي ناقرارلیک و زۉروانلیک بیلن کوره‌شه‌یاتگن پیتده بو واقعه یوزبیرگن.

 هایتی دنیا نینگ اېنگ قشّاق دولتلریدن بیری بۉلیب، شمالي امریکاده‌گی کارایب دېنگیزی قیرغاقی هسپانویالا آرالی‌ده جایلشگن.