225444543_5864382776967815_6022435558758318273_n

هراتده‌گی وضعیت بیلن باغلیق فوق العاده‌ ییغیلیش؛ اسماعیل خان هرات حربي کېنگاشینی باشقه‌ره‌دی

neshananews

01 August 2021

 ولسی جرگه اعضاسی حبیب الرحمان پدرام نینگ ایتیشیچه، ولسی‌جرگه اعضالری هرات‌ده‌گی وضعیت بۉییچه‌ فوق العاده‌ ییغیلیش اۉتکزیگن.

 جناب پدرام بوگون ایرته‌لب (یکشنبه‌ ۱۰ اسد) اۉزی نینگ فیسبوک -ده‌گی رسمي صحیفه‌سیده یازیشیچه، بو فوق العاده‌ ییغیلیش کېچه‌ تونده ولسی‌جرگه ریسی میر رحمان رحماني نینگ اوییده اۉتکزیلگن.

 جناب پدرام نینگ قۉشیمچه‌ قیلیشیچه، ییغیلیشده ملي یره‌شیش عالي کېنگاشی رئیسی عبدالله عبدالله، جمهوررییس سابق اورین‌باسری محمد یونوس قانوني، ولسی‌جرگه رییسی، ملي خوفسیزلیک کېنگاشی مصلحتچیسی حمدالله محب،و بیر قطار ملي مجلس اعضالری قتنشکندی.

 جناب پدرام نینگ سۉزلریگه کۉره‌، اوچره‌شووده هراتده‌گی خوفسیزلیک حالتی باتفصیل محاکمه‌ قیلینگن.  جناب پدرام نینگ قید اېتیشیچه، ییغیلیشده مملکت غربيده‌گی جمعیت حزبی نینگ نفوذلی رهبری محمد اسماعیل‌خان‌نی هرات حاکمی و حربي کېنگاشی رئیسی اېتیب تعیینلشی تکلیف قیلینگن.

 اونینگ سۉزلریگه کۉره‌، شونینگدېک، ۲۰۷ ظفر قول‌اردوسی و هرات پولیس‌ قوماندانلیگی‌گه اۉزگرتیریشلر کیریتیش و حکومت ولایت خوفسیزلیک حالتینی اوشلب توریش اوچون جدّي چاره‌لر کۉریشی تکلیف قیلینگن.

 سۉنگگی کونلرده طالبلر هرات نینگ غربي چېکّه‌لریگه، شو جمله‌دن یوناما منطقوي اداره‌سیگه هجوم اویوشتیردی.  مدافعه‌ وزیرلیگی ولایتگه ینگی قۉشینلر یوباریلگنی و تېز آره‌ده طالبان هجوملری دفع ایتیلشی‌نی معلوم قیلگن.