هراتده برق انرژیسیني ایراندن انتقال بیراتکان بیر پایه پارتلتیلگن
برشناشرکتیني هراتدهگي ادارهسي مطبوعات مسولی زینبمحسنی، ایراندن هراتگه برق انتقالبیروچی پایهلردن بیری بو ولایتني کهسان تومنیده پارتلوچی مادهبیلن پارتلتیگنی دن خبر بیرگن.
خانممحسنی نشانهخبرآژانسی بیلن صحبت ده بوپایه بوکون( سهشنبه ۱۸ جوزا) کهسان تومنینی” کمانه” شلاقیده پارتلتیلگن ديدي. اونگه کوره بو برق پایهسي تانیلمگن قوراللی کیشیلر تمانیدن پارتلتیلگن.
هرات ولایتی برشنا شرکتی مطبوعات بولیمی مسوولی بو پایه بیکار قیلنگنی بیلن هرات یشوچیلرینینگ ۶۰ فایزی برقانرژیسیدن محروم بولگن ديدي. اونگه کوره هرات ولایتی صنعتیشهرچهسي فعالیتی هم برق یوقلیگی سبب توختبقالگن.
اوتکن کیچه تانیلمگن کیشیلر اوزبیکستاندن کابل گه اوزتیلگن برقنینگ ایککی پایهسيني پروان ولایتی سالنگ تومنی حدودیده پارتلتکندی. برشنا شرکتی معلوماتیگه کوره اوتکن ایککی آی جریانیده برق انرژیسيني انتقال بیروچی ۱۹ بیوک پایه تورلی ولایتلرده پارتلوچی مادهلر بیلن پارتلتیلگن. بوندن آلدین برشنا شرکتی برق انشاعاتی گه قرشی هجوم اویشتیروچی کیشیلرنی تاپیب قانون چنگالیده تاپشیریشیني امنیتی قوتلردن طلب قیلگندی.