زراعت و چاروادارلیک وزیرلیگی سرپرستی نینگ هرات گه سفری بیلن عینی دمده بو ولایت ده بیرمینگ وبیش یوز میزخانه فایده لنیش گه تاپشیریلدی.

زراعت وزیرلیگی سرپرستی انورالحق احدی بوکون ( یکشنبه ۱۳ میزان) هرات گه قیلگن سفری جریانیده بو میزخانه لر سونگی آیی لرده و هرات اوزوم محصولاتی نابود بولیشی آلدینی آلیش مقصدی بیلن قوریلگن دیب ایتی. احدی جنابلریگه کوره بو میزخانه لردن هر بیری اون تن میز ظرفیتی گه ایگه دیردیدی.

بو میزخانه لر فایده لنیش گه تاپشیریلیشی بیلن هرات ولایتی ده اون مینگ تن اوزوم، میزگه ایلنتیریب و کیله سی ییل لرده هرات ولایتی باغدارلیک محصولاتی افلاس لنیشی آلدینی اله دی دیب ایتی. بو حرکت هرات باغدارلری تمانیدن قیزیق آلقیشلنگن. اما بو باغدارلر هرات اوزومی مملکت ده چیت ده صادر بولیشی اوچون ایجابی آدیم لرکوتاریلشی لازم بولگنی نی تاکیدلشماقده لر.

انجیل تومنی باغدارلریدن بیری حبیب الله دیدی، هرات اوزوم محصولاتی جاری ییل ده ۱۴۰ مینگ تن بولگنی گه قرگنده دولت هرات اوزومی نی چیت ده صادر قیلیش اوچون ایجابی یول لر و ریجه لرنی قول اوستیده آلیشی لازم دیدی. کورینیشی دن بو محصولات اوچون مملکت ایچکری سیده بازار یوق لیگی و صادرات اوچون مناسب زمینه لر بولمگنی گه قرگنده بو میزخانه لرنی فایده لنیش گه تاپشیریلشی باغدارلردن حمایت ایتیش اوچون کیچیک آدیم حسابلندی.

زراعت وزیرلیگی سرپرستی گه کوره بو میزخانه لر خراجتی توپلم ۴۲۰ میلیون افغانی بولگن. عینی دمده سوت محصولاتی نی توپلش و سقلش مرکزی، سو کاناللری، کچالو وپیاز ذخیره گاه لری هم بو سفر جریانیده فایده لنیش گه تاپشیریلگن پروژه لرجمله سیدن دیر.

زراعت و چاروادار لیک وزیرلیگی مسووللری بو کون هرات ده فایده لنیش گه تاپشیریلگن پروژه لر توپلم خراجتی ۵۷۱ میلیون افغانی بولگنی نی اعلان ایتکن.