هرات ولايتي محلي رسميلري بير تورت يشرباله ني اختطافچيلر نزدن قوتقريلگني دن خبر بيرگن.

هرات ولايت مطبوعات بوليمي سرپرستي حامد شايان گه كوره نازنين ناملي بوتورت يشر باله اوتكن كيچه ( سه شنبه ٢٠ عقرب) ملي امنيت قوتلري عملياتي نتيجه سيده قوتقريلدي. شايان جنابلري آدم اوغيرلوچي بير گروه بو باله ني بيش كون آلدين شهر مركزيدن اوغيرلشكندي.شايان جنابلريگه كوره ملي امنيت اداره سي ملازملري بو اختطاف عامللريني توتقين ده آليش ده موفق بولگن. اما توتقين ده آلينگن لر كيم ليگي و نيچه كيشي ايكني حقيده تفصيلات بيرمه دي.

هرات سونگي آي لرده بير قطار آدم اوغيرلش واقعه لرگه گواه بولگن. بو واقعه لر كوپيشي آرتيدن هرات ده ناراضليك نمايشلر و صنفي اويشمه لر تمانيدن ايشتشلش اعلان ايتيليب بو موضوع هرات پوليس باشليغي و باشقه بير قطار ملازملري ني ايشي چيتلشتيريليشي گه سب بولدي. اما بونگه قره مسدن هلي هم آدم اوغيرلش، قوراللي اوغيرليك و ترورلر هرات يشوچيلري آسايشته ليگي ني برهم اورگن.