هرات ولايتي محلي رسميلري گه كوره هرات ولايتي ادرسكن تومنيده جاري بولگن سوتاشقيني ١٢ كيشي دن جان آليب و اونلب كيشي ني ياره لنتيرگن.
هرات ولايت حاكمي سوزچيسي جيلاني فرهاد نشانه خبر آژانسي بيلن صحبت ده ادرسكن تومني “روكه ” قشلاقيده جاري بولگن بو سو تاشقيني اوتكن كيچه ( سه شنبه ١٤ ثور ) باشلندي ديب ايتي.
فرهاد جنابلري بو قشلاق ده جاري بولگن سو تاشقيني اهالي كتته كان جاني و مالي خساره يتكزگني ني قيد ايتيب اينگ آز ١٢ اوز جاني ني قولدن بيريب و اونلب كيشي ياره لنگن ديدي. جيلاني فرهاد هرچند نيچه كيشي بو واقعه ده ياره لنگني دن معلومات بيرمه دي اما بو خصوصده تحقيقات ايشلر باشلنگن ديدي.
هرات ولايت حاكمي سوزچيسي شونينگ ديك علاوه ايتي جاري بولگن سوتاشقيني ده اهالي نينگ اونلب يشش اويلري اويليب و يوزلب چه چاروالر هم تلف بولگن. ادرسكن تومنيده يوز بيرگن بو سوتلشقيني ده اهالي گه قنچه ليك خساره يتكزيلكني عمومي راپور هلي گه چه محلي رسميلر تمانيدن نشر ايتيلمگن.
اوتكن كوني سمنگان و دايكندي ولايت لري هم سوتاشقينب گه گواه ايدي. بو واقعه لرده اينگ آز بيش كيشي اوزجاني ني قولدن بيرگني انيق لنگن.