مملکت ربات ساز قیزلری قولیده تیارلگن صنعی تنفس«‌ونتیلاتور» دستگاه سی بوکون هرات ده رونمایی بولدی.

هرات ولایت حاکمی سیدوحید قتالی بو مراسم ده ربات ساز قیزلر گروهی دن کیرکلی بولگن حمایت لرنی جلب ایتیش ده برچه سعی و حرکتی نی عملگه آشیریشی دن سوز بیردی..

قتالی جنابلری علاوه ایتی بوگروهرات ده کرونا ویروسی ییرلیشی دن سونگ بو ویروس گه قرشی کورش اوچون برچه سعی و حرکتلرینی یویلگه قویدیلر . اونی تاکیدلشیچه هرات ربات ساز قیزلری دن افغانستان دولتی هرتمان له مه حمایت ایته دی.

هرات ربات ساز قیزلری تمانیدن تیارلنگن صنعی تنفس دستگاه سی تنفس سانی نی انتظام لشتیریش، تنفس تیزلیگی و هوا باسیمی نی ترتیب گه سالش قابلیتی گه ایگه دیر.هرات ولایت حاکمی سوزچیسی جیلانی فرهادگه کوره بو دستگاه قابلیتی مملکت معتبر طبی اداره لری تمانیدن تصدیق لنگن دن سونگ بازارگه ساتیلیشی ریجه لنگن.

هرات ده کروناویروسی تاپیلگنی باشلنگنی دن سونگ بوولایت نینگ ربات ساز قیزلری بیرقطار نادولت موسسه لرهمکارلیک  و حمایتی نی جلب ایتیش بیلن کروناگه قرشی کورش اوچون کیرکلی اسباب اسکونه لرنی تیارلش ده باشله دیلر.بو گروه بوکون ( دوشنبه ۲۳ سرطان ) باشقه بیر یوتوق لرینی هم فایده لنیشگه تاپشیردیلر. شعاع وسیله سی بیلن ضدعفونی قیلوچی دستگاه ، امنیتی اسکنر و کرونا دورانی ده کامپیوتری اوین لربو قیزلرتیارلشگن باشقه یوتوق لر جمله سیدن دیر.

ربات سازقیزلرگروهی حاضرگه قدر تورلی رقابت لرده کوزگه کورنرلی یوتوق لرکسب ایتکن. بوگروه بوندن قریب اوچ ییل آلدین ۱۳۹۶ ییل ده امریکا قوشمه ایالت لریده خلق ارا رقابت لر مکافاتی نی قولگه کیرتیش گه موفق بولدیلر.