هرات بلدیه سی بو ولایت پارک و کوکلم فضالریدن درآمدلرینی کوپیتیریش سیاست لر دوام ایتیب باریشی ولایت اهالی سی و ولایت کینگاشی اعضالری خواتیریگه سبب بولگن. موجود رقم لرگه کوره هرات شهری نینگ قریب ایگرمه کاتته و کیچیک تفریحی پارک لریدن حاضرگه قدر ۱۳ ته سی خصوصی بولیم گه اجاره بیریلگن. بونگه علاوه اهالی نینگ بو پارک لردن فایده لنیش شرایط لری هم قیسقرتیریلگن و بعضی پارک لرده معیاری بولمگن بنالرهم قوریلگن.

هرات یشوچی لریگه کوره بو پارک لرنی خصوصی لشتیریلیشی و معیاری بنالرنی قوریلیشی شهر گوزل لیگی نی برهم بیرگن و مردم سپورت و ساغلان تفریحی فرصت لرنی آلگن. هرات یشوچی لریدن بیر محمد، هرات پارک و کوکلم فضالری بیری ینه بیر آرتیدن قیلیان خانه و شخضی رستورانت لرگه ایلنگنی دن تشویش من دیدی. او بوندای حرکت لر بیلن هرات پارک لری و اطراف محیطی گه صدمه یتکزیش نینگ آلدینی الینیشی لازم دیر دیب ایتی.

عینی دمده هر کونی هرات شهری ترقی پارکی گه مطالعه قلیش اوچون باره یاتکان یاش جاوید دیدی هرات بلدیه سی نینگ پارک لردن درآمد کسب ایتیش سیاستی ناتوغری سیاست دیر. اونی تاکیدلشیشیچه معیاری بولمگن بنالرنی پارک لرده قوریلشی و کوکلم فضالرنی قیسقرتیریش اطراف محیط افلاس لیگی نی آشیریش کاتته حصه قوشه دی .

باشقه تماندن هرات ولایت کینگاشی اعضالری هم هرات پارک لرینی خصوصی بولیم لرگه اجاره بیریلشی دن تنقیدلشماقده لر. بو کینگاش اعضاسی غلام حبیب هاشمی دیدی شهر پارک لریده خصوصی بولیم حرکتلریدن نظارت یوق لیگی و پارک لرنی تفریحی کورینیشی نی تجارتی وضعیت گه ایلنتیریش دن ولایت کینگاشی هم تشویشی نی اظهار ایتکن. هاشمی جنابلری محلی مسووللرنی خصوصا بلدیه باشلیغی نی بو توغریده جدی دقت اعتبار قرتیشی نی طلب ایتی.

رستورانت لر، قیلیان خانه لر و کاتته و کیچیک دوکانلر و باله لراوچون اوینچاغلرنی بو پارک لرده اورنتیلشی عمومی پارکلر وکوکلم فضالرده یوزگه کیلگن مهم یوتوقلر دیر. هرچند پارکلرنی خصوصی لشتیریش بلدیه گه مالی منفعت کیلتیرگن اما هرات شهردارلیگی حاضرچه قدر تفریحی پارک لر خصوصی بولیم لرگه بیریلگن دن سونگ درآمد میزانی دن بیران انیق راپور تیارلنمگن دیب ایتکن.

هرات شهردارلیگی مسووللری خصوصی بولیم لرگه اجاره بیریلگن پارک لردن جدی راق نظارت بولیشی اوچون قرار آلینگنی دن هم خبر بیرگن. هرات شهردارلیگی تخنیکی خذمت لر بولیمی باشلیغی سمیع الله رضایی دیدی شهرپارک لریه خصوصی بولیم لر قیلگن ایشلریدن نظارت دوام ایتماقده و سونگی کون لرده کوکلم فضاگه یتکزیلگن صدمه سبب نیچه پارک فعالیتی توختتیلگن دیدی. اما بو توغریده کوپراق ایضا بیرمدی.

هرات شهریده سان سیز کوچت لر، کوکلم فضای بارلیگی سبب بو شهر مملکت نینگ گوزل و خوش آب و هوا شهرلری دن بیری دیر. اما خصوصی بولیم لر ایاغی بو محل لرده آچیلگنی دن سونگ هرات شهر کوکلم فضاسی کون اوتیشی بیلن قیسقریلماقده و بونگه قوشیمچه اطراف محیط اافلاس لیگی درجه کوپیگنی دن اوتر شهریشوچی لریدن تیکین دم آلیش فرصتی نی هم آلگن.