هراتلیک یاشلردن بیرگروه کروناویروسی خطرلریدن مردم نی باخبر قلیش اوچون رمضان هیت کونلریده هییللش آلدینی آلیشی اوچون بیرکمپاین یولگه قویگنلر. بو یاشلرکرونا ویروسی تاباره اولکه ده ترقلمسلیگی اوچون اهالی هیت کونلرینی اویلریده اوتکزیب و هییللش دن وازکیچیش لرینی مردم دن طلب ایتکنلر.

ولایتی خبرومدنیت اداره سی یاشلربولیمی باشلیغی تواب مبارز بوکون ( دوشنبه ۲۹ ثورت) نشانه خبرآژانسی بیلن صحبت ده دیدی یاشلرنی بو کمپاین یولگه قویشی دن مقصدلری، ساغلیک نی سقلش توصیه لرنی رعایه ایتیلشی و رمضان هیتی کونلریده هییللش دن وازکیچیش ده اهالی ترغیب ایتیش بولگن دیب ایتی.

مبارزجنابلری علاوه ایتی بو کمپاین بواشتراکچی لری شونینگ دیک مردم هیت اوچون میوه وشیرین لیک ساتیب آلیش اورنیده، بو مقصد ده صرف له یاتکان مبلغ نی حاجتمند عایله لرگه یاردم بیریش لرینی مردم دن طلب ایتکن.بو کمپاین نی عیاللر بولیمی مسولی ثریاشجاعی هم دیدی هیت یتیب کیلیشی بیلن هییللش سبب کروناویروسی ترقلیشی دن خواتیرلر کوپیگن. شجاعی خانم بو کمپاین اشتراکچی لری، مردم نی هیت کونلریده هییللش دن وازکیچرتیریش بیلن کروناویروسی نینگ اجتماعی زنجیره سینی کیسیلشی ده یاردم بیرماچی میز دیب تاکیدلشکن.

 عینی حالده هرات ولایت حاکمی و عامه ساغلیک اداره سی هم بو کمپاین یولگه قویلیشی نی آلقیشلگنلر. هرات عامه ساغلیک اداره سی نشرایتکن خبرنامه سیده هیت کونلریده مردم نینگ هییللش چاغیده کرونا ویروسی تاباره ییرلیشی ممکن بولگنی دن آگاهلنتیرگن.

بو اداره نشرایتکن خبرنامه سیده هیت نمازی جریانیده اجتماعی مسافه لر رعایه ایتیلیشی و هیت کونلریده هییللش دن وازکیچیشلری نی مردم طلب ایتکن.

هرات ولایت حاکمی سیدعبدالوحید قتالی هم اهالی رمضان هیت نی اویلریده نشانلش نی طلب ایتیب ومردم بوندای شرایط ده اویدن تشقریده باردی کیلدی لردن وازکیچیش لری لازم ایکنی نی تاکیدلشکن.

 هرات یشوچی لرهرییلی هیت کونلرینی قوم وقریندا شلری اویلریگه باریب هییللش بیلن نشان لیدیلر، اما بوییل کرونا ویروسی ییرلیشی بیلن، اوتکن ییل لردیک نشانلش خطر بولگنی ایتلماقده. هرات ده کرونا ویروسی نینگ ییرلیشی دن خواتیرلر اوندای بیرحالده کوپیگن که بویروس نی یوقتیرگن اهالی سانی کون اوتیشی بیلن کوپیب بارماقده..اینگ سونگی معلومات لرگه کوره اوتکن ۲۴ ساعت مدتی ده هرات ولایتی ده ۹۵ کیشی بو ویروس نی یوقتیرگنی دن عامه ساغلیک اداره سی خبر بیرگن.

  هرات ده، پایتخت کابل دن سونگ کرونا ویروسی نی یوقتیرگن اینگ کوپ مثبت واقعه رویخط ده آلینگن. بوولایت عامه ساغلیک اداره سی معلوماتی گه کوره حاضرچه ۱۲۸۴ کیشی بو ویروس نی یوقتیرگن. بو بیمارلیک گه چلینگن ۲۰۹ کیشی ساغلگن اما ۲۴ کیشی هم اوزجانی نی قولدن بیرگن.