هرات نینگ گلران و چشت تومنلریده طالبان جنگچیلری‌دن اون کیشی اولدیریلدی
neshananews
21 June 2021محلي رسميلر نینگ ایتیشیچه، هرات ولایتی نینگ گلران و چشت تومنلریده طالبان‌نینگ اون جنگچیسی یۉق قیلینگن.
هرات ولایت‌حاکمی مطبوعات سوزچیسی جیلانی فرهاد نشانه اخبارات آژانسی بیلن صحبت‌ده،طالبان جنگریلری کېچه (۳۰ جوزا، یکشنبه) گلران تومنیگه هجوم قیلگنینی ایتدی. اونگه کۉره، ایککی تمان‌ارا اۉرته‌سیده‌گی تۉقنه‌شووده طالبان نینگ بېش جنگری اۉلدیریلگن و ینه بېش کیشی یره‌لنگن.
جناب فرهاد اوشبو تۉقنه‌شووده خوفسیزلیک کوچلری آره‌سیده قربانلر بۉلمه‌گنلیگینی قۉشیمچه قیلدی.
هرات حاکمی سوزچیسی نینگ توشونتیریشیچه، ینه بیر واقعه‌ده طالبلر کېچه ولایت نینگ چشت تومنیده‌گی خوفسیزلیک پوسته‌لریگه هجوم قیلگن. اونینگ سۉزلریگه کۉره، خوفسیزلیک کوچلری و طالبان اۉرته‌سیده‌گی قوراللی تۉقنه‌شووده طالبان‌نینگ بیش جنگچی‌سي اۉلدیریلگن و ینه اوچ نفری یره‌لنگن.
عینِ پیتده طالبان یقینده هرات تومنلریگه هجوملرینی کوچه‌یتیرگن. تۉقّیز کون آلدین اولر هرات ولایتی‌نینگ اوبه تومنینی تۉلیق اېگه‌للب آلیشکندی.
