هلنمدولايتي محلي رسميلريگه كوره بو ولايت ده امنيتي قوتلرتمانيدن تازه لش عملياتي دوام ايتيب بارشي بيلن عيني زمانده، طالبان نينگ ٢١ جنگچي سي بو ولايت ده اولديريلگن.
هلمند پوليس سوزچيسي محمدزمان همدرد، طالبان نينگ بو جنگچيلري بوكون ايرته لب ناوه، نهرسراج تومنلري و لشكرگاه شهري اطرافيده اولديريلگنيدن خبربيرگن.
همدردجنابلريگه كوره بو عمليات جريانيده طالبان نينگ ١٤ جنگچي سي هم ياره لنگن.
هلمندپوليس سوزچيسي ني ايتيشيچه امنيتي قوتلر بو ولايت ده اونداي بيرحالده تازه لش عمليات لريني باشلشديلركه طالبان قوراللي لري هيت كون لريده اعلان ايتيلگن آتش كيسيم ني سبنديريب امنيتي قوتلرگه قرشي هجوم قيلديلر.
طالبان گروهي حاضرگه قدر بوباره ده بيران نرسه ايتمگن.
اوچ كونليك آتش كيسيم دن سونگ بو توقنشولر اونداي بيرحالده باشلندي كه بوندن آلدين افغانستان تينچليك پروسه سيده دخلدار بولگن تمانلر، بيرقطار سياسي رهبرلر و انسان حقلري مستقل كميسيوني آتش كيسيم چوزيليشي ني طلب ايتكنديلر؛ اما طالبان اونگه نسبتن موافقت قيلمه ديلر.