هلمند ده طالبان نينگ حربي كميسيوني اورين باسري اولديريلدي
neshananews
31 October 2020ملي مدافعه وزيرليگي ني اعلان قيليشيچه طالبان گروهي ني هلمند ولايتي اوچون حربي كميسيوني اورين باسري اون جنگچي سي بيلن بير هوا هجوميده اولديريلگن.
بو وزيرليك بوكون (شنبه ١٠ عقرب) نشر ايتكن خبرنامه سيده طالبان گروهي نينگ بو تنقيلي قومانداني اوتكن كوني ملي اردو هوا قوتلري بير عملياتي ده اولديريلگني ني تاكيدلشكن.
خبرنامه گه كوره بو واقعه هلمند ولايتي ناوه تومني ني ” خسر آباد” قشلاقي ده يوز بيرگن.
ملي مدافعه وزيرليگي خبرنامه سيده بو هوا هجوميده طالبان گروهي نينگ باشقه اون جنگچي سي عم اولديريلگن. طالبان گروهي حاضرگه قدر بو باره ده بيران نرسه ايتمگن.
سونگي وقتلرده هلمند ولايتي بيرقطار تومن لري و ولايت مركزي لشكرگاه شهري طالبان قوراللي لري ييريك هجوملريگه كواه ايدي. هلي هم دوام ايتيب باره ياتكان بو هجوملر نتيجه سيده بو ولايت نينگ قريب ٤٠ مينگ يشوچيلري اوتكن ميزان آيي ده اوي جايلريدن آواره بولدي لر.
