رویترز خبر‌آژانسی هندوستان رسميلریدن اقتیباس کېلتیریب ینگی دهلی اۉز دیپلوماتلرینی افغانستان جَنوبیده‌گی قنده‌هار ولایتیدن آلیب چیقیب کېته‌یاتگنی حقیده خبر بېره‌دی.

 رویترز خبر‌آژانسی بوگون ( یکشنبه‌ ۲۰  سرطان) هندستان تشقی ایشلر وزیرلیگی نشر ایتکن خبرنامه‌‌گه اساس اوشبو مسأله‌نی اعلان ایتکن.  اوشبو قرار طالبان نینگ قنده‌هار ولایتیگه هجوملری کۉپه‌یگنیدن کېین قبول قیلینگن.

 خبرده ایتیلیشیچه، ینگی دهلی بو قدمنی اۉز دیپلوماتلرینی محافظت قیلیش اوچون قیلگن.  ینگی دهلی ایلگری بیر قطار دیپلوماتلرینی بلخ ولایتی نینگ شِمالیدن چیقارگن اېدی.  بلخ‌ده‌گی باشقه‌ مملکتلرنینگ کنسولخانه‌لری نینگ یاپیلیشی حقیده خبرلر الّه‌قچان نشر بولگندی.

 سۉنگگی ایکّی آی ایچیده طالبان اکثریت ولایتلرده، اینیقسه‌ مملکت نینگ شمالي، غربي و جَنوبي قِسملریده هجوملرینی کوچه‌یتیردی و اۉنلب تومنلرنی اېگه‌للب آلدی.