“هندوستان‌تایمز” روزنامه‌سي هند دولت مقاملریدن نقل قیلیب بومملکت طالبان گروهی بیلن علاقه اورنتیش اوچون بیرترماق ايجاد ایتکنی دن خبربیرگن.

بو هندوستا‌لیک روزنامه راپوریگه کوره بو علاقه‌ترماقی هند‌دولتی و طالبان‌گروهی رهبرلری جمله‌دن ملاعبدالغنی‌برادر بیلن تامین‌‌لنگن.

بو راپورده هرچند ایککی‌ تمان ارا توغریدن توغری اوچرشو حاضرگه قدر بولیب اوتمگنی ایتیلگن اما ایککی تمان، هند و طالبان ارا ایشانچ‌سیزلیک درجه‌سي کمیشی‌ني کوتماقده‌لر.

هند‌دولتی و طالبان گروهی ارا علاقه ترماقی اوندای بیرحالده ايجاد بولگن‌که اوتکن ییللرده بوایککی تمان بیربیرلری بیلن علاقه اورنتیش ده هیچقندای رغبت گه ایگه ایمسدیلر. هند دولتی طالبان گروهی‌ني پاکستان دولتی‌نینگ قورچاقی اتب ینگی دهلی و اسلام‌آباد ارا علاقه‌لر یمان بولگنی سبب بو گروه بیلن علاقه قوریش ده حاضر ایمس‌دی.

افعانستان‌نینگ قوشنی‌لری جمله‌دن چین، روسیه، پاکستان، ایران و مرکزی آسیا جمهوریتلری نيچه ییل دن بیری طالبان بیلن علاقه گه ایگه. هند دولتی هم منطقه بویچه ییریک قدرت اوله‌راق نيچه آی دن بیری طالبان گروهی بیلن علاقه قوریشکن.