برف-کابل-880x550

هوا ساووغلیګی و آچلیک دردی؛ نمه قلیش ممکن؟

neshananews

15 November 2020

یازوچی: ابومسلم خراسانی

 اوتکن کونی ایلک قار، قهرتان ساووغلیگی بیلن کابل فضاسینی آقرتیردی. بو قار هرچند بعضی لرنی قووانتیریب و امیدلنتیردی اما بیرقطار قشاق و کمبغل اهالی نی، دنیا نی اینگ خسته پایتختی ده ساووغلیک و بخت سیزلیک لریگه زمینه بولدی. بو وضعیت ایسه، اوروش و زوروانلیکلردن قینله یاتکان بو پایتخت یشوچی لرینی امیدسیزلنتیرگن دن علاوه کاتته کان تشویش لرگه هم سبب بولگن. باشقه تماندن بو ایلک قار و اونی قهرتان ساووغلیگی بو شهر اهالی سیگه بی مقدار قیینتچیلیک یرتیب و بو قارنی آق دانه لری، بو کمبغل و قشاق اهالی نی کوزیاشلری دیک یشوچیلرنی یغلتتی.

ساووغ هوا نی آچلیک دردی بیلن اجرلمس علاقه سی بار. هر قنچه که هوا ساووغلیگی کابل شهریده اوزینی آغیر سایه سی یایسه اوشه اندازه گه آچلیک دردی هم کوپیه دی، باله لر کوپراق آچلیک حس قیله دیلر، آته و آنه لر بیرآغیز نان تاپیش اوچون کابل نینگ ساووغ وخیابان لرینی امیدسیزلیک بیلن گیزیش گه مجبور بولیب گاهی بیرآغیزنان قولگه کیریتیش یا آچ فرزندلری قارنی نی تویغزیش و یاهم ساووغ اویلری فضاسینی ایسیتیش اوچون مردم دن سوره یاتکان کمک و یاردم لری نتیجه بیرمی بیرعالم امید سیزلیک و شرمنده لیک بیلن اویگه قیتیب  دیمک زمین و زمان، دشت و دریا و بیابان برچه سی هم قول بولیب بو تقدیرنی بو کیشی لر اوچون یازیب و اولرنی حیاتی و تریکلیگی نی قرانگی راق و قراراق قیلگنی یقال نمایان بوله دی.

بوندای بیرشرایط ده که قیش نینگ مست دیولری کبل و مملکت نینگ باشقه ولایت لریده قشاق و کمبغل اهالی گه حیات اوتکزیش دایره سینی تارراق قیلگن، سوداگرلر، مدنی جماعه لر، سیاسی فعاللر و دولت نینگ مسوولیتی بو وضعیت ده نمه لردن عبارت دیر؟ بیز اوز ایاغی میز اوستیگه توختب و توختتش کوچ و قابلیتی گه ایگه بولگن آدم لر اوله راق، خیابان لرچکه سیده شندای وضعیت ده یاتکن و توریش گه قادر بولمگن انسان لر برابریده نمه مسوولیت گه ایگه میز. سعدی جنابلری ایتکنی دیک« چون ایستاده‌یی دست افتاده گیر» بو باره ده بیران وقت هم اویلب اندیشه قیله میزمی؟

جمعیتی دن یریمی دن کوپراق کمبغل لیک خطی آستیده یشه یاتکان و اجتماعی طبقه لر مسافه سی کون اوتیشی بیلن اوزون راق بوله یاتکان و اوروش دوام ایتیب باره یاتکان بو مملکت ده بیزنینگ مسوولیت میز بوندای وضعیت نمه دیر؟ اوتکن ییلی قهرتان قیش اوز بساطی نی کابل و باشقه بیرقطار ولایت لرده یایگنده، بیرقطار فعاللر « مهربان لیک بیکتی» عنوانی بیلن کابل ده بیرکمپاین نی یولگه قویب و حاجتمند کیشی لرگه قیش کییمی و ضرورت بولگن اشیالرنی یغییب ترقتی لر که البته اوته هم فایده لی ایدی.

بو حرکت بیرینچی ده کابل یاشلری و کینچه لیک باشقه بیرقطار ولایت لرده دوام ایتی و مینگلب یاشلر کابل و باشقه ولایت لرده، کییم، اذوقه و باشقه اشیالرنی مردم دن یغیب و حاجتمند کیشی و عایله لرگه یتکزیب بیردیلر.

بو ییل هم انه شندای تویغولی یاشلر بو توغریده دواملی حرکت لرنی باشلش لری لازم. عینی دمده اوز ایاغ لری اوستیگه توختش قابلیتی گه ایگه ایگه بولگن شخص لر یتیم لر، بیوه لر و کمبغل لر قوللرینی اوشلب و اولرنینگ یاره لریگه مرهم بولیب ، ساووغیک، اوروش ، قشاقلیک و کمبغللیک سبب توکیلگن یاشلرینی اریتیش لری ضرور و کیرکلی یاردم لرنی بوندای عایله لرگه یتکزیب بیریش لری لازم.

اوته یمان و قیینت شرایط ده خیمه لر آستیده یشه یاتکان آچ، کمبغل، آواره و مهاجر عایله لرگه یاردم توپلش اوچون بیل باغلش، اینگ انسانی ایش دیرکه انسانیت اوچون اونی بجریلشی اوته لازم دیر. بو آره ده کابل یاشلری اوتکن ییل لرکبی بو حرکت نی باشلش لری کیرک و بو یورت نینگ یوزلب باله لری، یتیم ویسیرلری، کمبغل ایرکک و عیاللری سیماسیده کولگنی نی اولتیغیزیش اوچون آدیم  کوتاریش لری ضرور.

بوکون لر کابل خیابان و جاده لریدن اوته یاتکان هر بیرشخص، مینگلب انسان لرنی محرومیت، درد وقیغوسنی یقال کوریب و اولرنی وضعیتی دن باخبر دیرلر. چونکه بو مملکت ده دوام ایتیب باره یاتکان اوروش و جنگ سبب هر بیر شهر و تومن و قشلاقیده مینگلب قشاق و حاجتمند عایله نی کوریش ممکن که حتی کیچه نی کندوز قیلش اوچون بیر آغیزنانی یوق و شندای وضعیت نی چیدب، روزغارلرینی قیغو، الم و یاش بیلن اوتکزیب حتی عالی اوقویورتده، مسجدده، خیابان ده و حتی اویلریده هم آسایشته لیک گه ایگه ایمس لر. حاضرکه قیش موسومی یتیب کیلگن بو ناتینچلیک و یمان وضعیت نیچه برابر کوپیگن. بوندای عایله لربرچه مشقتلی حیات و نامعلوم کیله جک بیلن یوز مه یوز دیرلر.