وحیدعمر: اوروش حالتی ینه ایکّی هفته ایچیده بوتونلهی اۉزگرهدی
جمهوررییس نینگ عامه علاقهلر و استراتیژیک ایشلر بۉییچه باش مصلحتچیسی وحیدعمر، تومنلرده طالبان هجومی نینگ کوچهییب باریشی مناسبتی بیلن اوروش حالتی ایکّی هفته ایچیده بوتونلهی اۉزگریشینی ایتماقده.
بوگون (۱-سرطان، سهشنبه) کابلده بۉلیب اۉتگن مطبوعات انجمنیده جناب عمر سۉنگگی پیتلرده طالبان گروهی هجوملرینی، مملکت اوستیدن حربي نظارتنی قۉلگه کیریتیشگه قرهتیلگن حرکتلری چۉقّیسی دېب تعریفلهدی.
جنابعمر، چېت اېل قوتلری مملکتدن چیقیب کېتیشی بیلن طالبلر کۉپراق حدودلرنی اېگهللب آلیشگه حرکت قیلهیاتگنینی قۉشیمچه قیلدی. اونینگ تأکیدلشیچه، سۉنگگی بیر آی ایچیده طالبان نینگ حربي جهتدن آلدینگه سیلجیشی اولرگه ضرر ېتکزگن.
جناب عمر نینگ تأکیدلشیچه، سۉنگگی بیر آی ایچیده طالبان نینگ حربي یوتوقلری اولرگه قرشی عامهوي سفربرلیککه بولدی. اونینگ تأکیدلشیچه، یقین ایکّی هفته ایچیده اوروش حالتی بوتونلهی اۉزگرهدی و طالبان قۉلگه کیریتگن تومنلر مملکت مدافعه و خوفسیزلیک کوچلریگه قَیتریلهدی.
ایکّی آیدن کمراق وقت ایچیده طالبان مملکت شِمالیده کېنگ کۉلملی هجوملرنی باشلهدی. طالبان ۲۰ دن آرتیق تومنلرنی اۉز نظارتیگه آلدی. سۉنگگی کونلرده بو گروهگه قرشی عامهوي سفربرلیک پروان، تخار، کاپیسا، بغلان، کندز، بلخ، جوزجان، فاریاب و غور ولایتلریده یولگه قویب بو آقیم کینگیب بارماقده.