وحید مجروح: قاره قۉزیقارین کسللیگی کرونانی یوقتیرگن بېمارلرده کۉپهیماقده
ساغلیقنی سهقلش وزیرلیگی سرپرستی وحید مجروح نینگ، مملکتده کرونا کسللری آرهسیده قاره قۉزیقارین کسللیگی کینگ ترقیلیشیدن خبربیرگن.
جناب مجروح بوگون ( شنبه ۱۲سرطان) کابلده اۉتکزیلگن مطبوعات انجمنیده شو کونگه قدَر کابل، بغلان و سمنگان ده اوشبو کسللیک بیلن کسللنگن اوچته واقعه رویخطده آلینگن دیب ایتدی. جناب مجروح قاره قۉزیقارین کسللیگینی مملکت ده کروناویروسینینینگ اوچینچی تۉلقینی بیلن عینی زمانده ترقلیشیني ساغلیقنی سهقلش ساحهسی اوچون جدّي تهدید دیدی. اونینگ سۉزلریگه کۉره، بو کسللیک کۉپراق بدنلری معافیت تیزیمی ضرر کۉرگن کرونا بېمارلر نزدیده کوزتیلگن.
ساغلیقنی سهقلش وزیرلیگی سرپرستی، قاره قۉزیقارین ویروسینی طبیعتده، اینیقسه چیریگن آذوق-طعام و مېوهلرده کورینیشی و جهان بولیب تانیلگن ویروس دېب تعریفلهیدی، اما بو کسللیک هندوستانده سۉنگگی ییللرده پیدا بولگن. افغانستانده بوندن آلدین کسللیک نینگ مثبت واقعهسی رویخطده آلینمگندی.
وحیدمجروججنابلری شونینگدېک، قاره قۉزیقارین بیلن کسللنگن بېمارلر نینگ ۵۵ فایزیده اۉلیم خوفی بارلیگینی قۉشیمچه قیلهدی. او صحبتلری دوامیده، مملکتده کروناویروس نینگ اوچینچی تۉلقینی نینگ ترقهلیشیگه اشاره قیلیب، سۉنگگی کونلرده بیز، مرکزي و غربي ولایتلرده بو کسللیک یوقتیرگنلر سانی نینگ کۉپهییب باریشیگه گواه بۉلماقدهمیز دیدی.
کرونا ویروسی نینگ اوچینچی تۉلقینی مملکتده تخمیناً بیر یریم آی آلدین باشلندی. بو وقت ایچیده مینگدن آرتیق آدم کرونا ویروسیسبب وفات اېتدی.