١٢ مملكت ده سو تاشقيني؛ ١٢٢ كيشي قربان بوليب و١٤٧ كيشي ياره لندي
neshananews
27 August 2020حادثه لرگه قرشي كورش دولت وزيرليگي تمانيدن اعلان ايتيلگن رقملرگه كوره ١٢ ولايت ده جاري ايتيلگن سوتاشقيني نتيجه سيده ١٢٢ كيش قربان بوليب ١٤٧ نفرهم ياره لندي.
حادثه لرگه قرشي كورش دولت وزيرليگي بوكون ( پنج شنبه ٦ اسد) نشر ايتكن خبرنامه سيده، دستلبكي معلوماتلرگه اساسا” پروان، كابل، كاپيسا، ميدان وردك، پنجشير، ننگرهار، لوگر، پكتيا، پكتيكا، نورستان، لغمان و خوست ده جاري بولگن سوتاشقيني ١٢٢ نفردن جان آليب و ١٤٧ كيشي ني ياره لنتيرگن. بو وزيرليك خبرنامه سيده بو حادثه ده ١٥٠٠ يشش اوي، ٢٤ دوكان و بيرمينگ و ١٥٠ جريب ايكنزار ويران ايتيليب و ٦٠٠ چاروا تلف بولگن.
اشبو وزيرليك ني معلوماتيگه كوره ساغليك ني سقلش گروه لر و سوباسكن منطقه لرني تازه لش و اهالي قوتقريش اوچون تخنيكي تيملر حادثه محللريگه جونتيلگني و صدمه كورگن اهالي گه ياردم يتكزيش ايشلر باشلنگن.
حاضرگه قدر اينگ كوپ صدمه و تلفات پروان ولايتيگه يتكزيلگن. بو ولايت رسميلري اوتكن اقشام جمهور ريس غني بيلن صحبتده، بو ولايت ده سوتاشقيني نتيجه سيده ٨٥ كيشي اولديريلگني و ١٢٠ كيشي ياره لنگني و ٥٠٠ اوي ويران ايتيلگني دن راپور بيريب يوزلب جريب ايكنزارلر نابود بولگني دن راپور بيرديلر.
پروان ولايت حاكمي گه كوره صدمه كورگن اهالي گه ياردم كورستيش اوچون، بيش مينگ عايله گه قريب اوچ مينگ خيمه،ايچيمليك سو، آذوقه، دارو و نقد پول ضرورت دير ديدي.
جمهورريس غني بو ضرورتلر تامين لنيشي و صدمه كورگن لرگه تيز اره ده ياردم لر يتكزيليشي دن ايشانچ بيلديرگن.
