بو قرا و شوم حادثه دن بير كون آلدين ٧٠ ياشلي محمد مهدي ياش فرزندي يوزيني لمس قيليشي اورنيده اوني بيجان عكسي و قبريني لمس قيليش ني هيچ قچان اويله مسدي.

اوكراين طياره سي حادثه سيده اولديريلگن ١٣ افغان وطنداش لريدن بيرته ني جنازه سي يعني ١٩ ياشلي زين العابدين سعادت نينگ بيجان جسمي اوتكن كوني هرات ولايتي نينگ اسلام قلعه بندري دن افغانستان گه انتقال بيريليب عايله سيگه تاپشيريلدي. تعزيت مراسمي ده بو ياش آنه سي نينگ داد و بيدادي و آته سي تينگ سكوت سخلگني هر بر تاش يورگيني هم سو قيلردي.

فقط نيچه تيكه كويگن گوشت دن عبارت اوني جسدي اوتكن كوني هرات ولايتي گذره تومنيده توپراق گه تاپشيريلدي.

زين العابدين نينگ قيغولي وفاتي

نشانه خبر آژانسي خبرنگاري بو خبر ني تيارلش اوچون زين العابدين سعادت عايله سي اوته افگار حالت كون كيچيره ياتگان، گذره اولسوال ليگي خاتم الانبيا شهرچه سيده بارگن.

زين العالدين آته سي محمد مهدي ني ايتيشيچه فرزندي ١٩ ياشده ايدي. او سويدن ده اقتصاد بوليميده درس اوقيدي،زين العابدين بيش تيل ده سوزلشه آلردي.

محمد مهدي گه كوره ياش فرزندي كريسمس تعطيلاتي دن فايده لنيب بيش ييل دن سونگ آنه و آته سي ديداري اوچون ايران كيلگندي.اما بو نحس ديدار سونگي اوچرشو گه ايلندي.

زين العالدين و باشقه ١٣ افغان وطنداشلري ني انتقال بيراتگان اوكراين هوا يوللر طياره سي تهران آسماني ده نشان گه توتيلدي، و يولوچي لردن بير مقدار كويگن گوشت توته لري و نيچه قطره قاندن باشقه نرسه قالمدي.

برباد بولگن برچه اميدلر

ايران ده نشان گه توتيليب قولگن اوكراين طياره سي نينگ ١٣ يولوچي سي افغانستان وطنداشلري ايدي، برچه لري بير دنيا آرزو و رويا لري بيلن تهران آسمانيده دود بوليب كولگه ايلنديلر.

زين العابدين سعادت ني كتته اكه سي محمد حكيم، عايله سي ني زين العابدين اوچون آرزو لريدن قويده گيچه فكر بيلديردي: ” بيش ييل الدين عايله ميز بار و ياغ پول لريني يغيب زين العابدين گه بيرديلر تا اوني عمري مملكت ده دوام ايته ياتگان ناتينچليك لر سايه آستيده تلف بولمسين و اوز استعدادني چقنتيش اوچون فرصت لردن فايده لنسين”.

او،  عايله ميز ، عالي اوقويورت ني تمام قيلگندن سونگ زين العابدين ني اويلنتيرماقچي ايدي و اوندن سونگ برچه عايله اعضاسي زين العابدين دعوتي گه اساسا اروپا كيتماقچي ايدي.

اما تهران ده بير قرا تون ده يوزبيرگن قيغولي حادثه بو ريجه لر برچه سي ني روياب گه چيقاردي.

ايندي ايسه بو قيغولي حادثه سايه سي آستيده زين العابدين آنه سي، آته سي، سينگلي و ايناغه لري نينگ قيغو و المي ني هيچ بير واقعه كميتيره آلميدي.

عايله نينگ بو قيغو سي، زين العابدين نينگ تيكه پرچه جسمي دن قالگن نيچه پرچه كباب بولگن گوشت ني كوريش بيلن بير النگه لي يانيغين گه ايلنگن كه هر لحظه اولرنينگ كونگلي دن چيقه ياتگان آه بيلن جان و دل لريگه اوت قويه دي.