پاکستان افغانستان بیلن چېگرهسیده مینگلب حربیلرنی جایلشتیرگن
پاکستان عامهوي اخبارات واسطهلری نینگ خبر بېریشیچه، ایچکی ایشلر وزیرلیگی افغانستان چېگرهسی بۉیلب مینگلب قۉشینلرنی جایلشتیرگن.
پاکستان نینگ “دان” روزنامهسی بوگون (شنبه ۲ اسد) پاکستان ایچکی ایشلر وزیری شیخ رشید احمد نینگ سۉزلریگه کۉره، افغانستانده زۉرآورلیک اوج آلگنیدن کېین پاکستان حربیلری مملکت نینگ شِمالی-غربي چېگرهلریگه جایلشتیریلگن.
خبرده ایتیلیشیچه، پاکستان ایچکی ایشلر وزیری اوشبو کوچلر افغان قاچقینلری نینگ پاکستان حدودیگه کیریب کېلیشی نینگ آلدینی آلهدی. اونگه کۉره، اوشبو کوچلر نینگ افغانستان و پاکستان چېگرهسیدهگی حرکتی هم جنگریلر نینگ پاکستان حدودیگه کیریب کېلیشی نینگ آلدینی آلیش مقصدیده عملگه آشیریلماقده.
سۉنگگی اوچ آیده افغانستانده زۉرآورلیک کېسکین کۉتاریلدی. زۉرآورلیک نینگ کوچهییشی منطقهده جدّي تشویشلرنی کېلتیریب چیقردی. تاجیکستان و اۉزبېکستان الّهقچان شِمالده تاباره کوچهییب بارهیاتگن خوفسیزلیک سببلی افغانستان بیلن جَنوبي چېگرهده مینگلب قۉشینلرینی جایلشتیرگن.