پاکستان ایچکی ایشلر وزیری: طالبان اۉز نظارتی آستیده‌گی حدودلرده پاکستانلیک طالبلر فعالیتی‌نی منع قیلیشی کېره‌ک
neshananews
27 June 2021پاکستان ایچکی ایشلر وزیری شیخ راشید احمد افغانستانده‌گی طالبان حرکتی‌دن، پاکستانلیک طالبان‌نینگ فعالیتی نینگ اۉز نظارتی آستیده‌گی حدودلرده توخته‌تیشگه چقیرماقده.
پاکستان نینگ “دان” روزنامه‌سی اۉز راپوریده، پاکستان نینگ یوقاری مرتبه‌لی بو حربی مقامی بو مسأله‌نی کېچه (۵-سرطان، شنبه) اسلام‌آبادده‌گی ییغیلیشده کۉتارگنینی خبر قیلدی.
خبرگه کۉره، جناب راشید احمد، پاکستان طالبان تحریکی‌نی، پاکستان دشمنی دېب تعریفله‌گن. پاکستان ایچکی ایشلر وزیری نینگ قۉشیمچه قیلیشیچه، افغانستانده‌گی طالبلر کۉپراق حدودلرنی اېگه‌للب آلیش اوچون هجوملرینی کۉپه‌یتیرگن و اولر نینگ صفیده پاکستان طالبلری کۉپه‌یگن.
رشید احمدجنابلری، پاکستانلیک طالبلری نینگ افغانستانده طالبان نظارتی آستیده‌گی حدودلرده ایشلشیگه یۉل قۉیمسلیککه تاکیدلشکن.
اونینگ سۉزلریگه کۉره، افغانستانلیک‌طالبان، پاکستان طالبلری تامانیدن افغانستانده‌گی اۉز نظارتی آستیده‌گی حدودلرده اسلام‌آبادگه قرشی قۉزغه‌تیلیشی نینگ آلدینی آلیشلری کېره‌ک.
پاکستان ایچکی ایشلر وزیری‌نینگ بو اظهاراتی، بو حقده سۉنگگی پیتلرده طالبلر مملکت نینگ اکثریت ولایتلریده هجوملرینی کوچه‌یتیره‌یاتگن پیتده ایتیلگن. طالبان هجوملری نینگ کۉپه‌ییشی بیلن بیر وقتده بوتون مملکت بۉیلب اوشبو گروهگه قرشی عامه‌وي سفربرلیک شکللندی.
