پاکستان و طالباندن حمايت قیلیشی اعترافی
akbardashti
30 June 2021پاکستان دنیاده‌گی خلق‌ارا تروریزم و منطقوي کوره‌شچیلردن ایچکی سیاستی وقوانین مملکت‌لریگه تاثیر یتکزیش اوچون واسطه‌‌اوله‌راق کېنگ فایده‌لنه‌دیگن دنیاده‌گی کم سانلی دولتلردن بیریدیر. بومملکت اولکه‌سیز جنگچیلر و جنگریلرنی حمایت ایتیب و شونینگدېک، بو جنگچیلرگه اۉقوو و اوی-جای بنالرینی مهیا ایتیب جهازلب، قۉللب-قوّتله‌یدی. اسلام‌آباد هر دایم بو کوچلرنی قۉللب-قوّتلش، اۉقیتیش و جایلشتیریشنی رد اېتیب کېلگن و بو جریان نینگ برچه‌سینی یاشیرین روشده عملگه آشیریب کیلماقده. اما یقینده پاکستان ایچکی ایشلر وزیری طالبان یاره‌دارلری پاکستانده دوالنه‌یاتگنینی و گروه رهبرلری پاکستانده یشه‌یاتگنینی تن آلدی. نه‌فقط طالبان رهبرلری؛ عکسینچه، کۉپلب تروریستیک گروهلر نینگ رهبرلری، قوماندانلری و جنگچیلری کوېته و اسلام‌آبادده یشه‌یدیلر و پاکستان اولرگه فراوان حیات اوچون برچه شرایطلرنی یره‌تیب بېردی.
پاکستان تشقی ایشلر وزیری ” طلوع نیوز” خصوصی تلویزیونی بیلن صحبت‌ده، هرچند پاکستانده طالبان رهبرلری بارلیگینی رد اېتگن بۉلسه-ده، او پاکستانده طالبان اېتکچیلری بارلیگی حقیده‌گی سواللرگه بیر نېچه بار جواب بېریشدن قاچدی، اما پاکستان حکومتی نینگ یوقاری مرتبه‌لی بیر ملازمی‌نینگ اعترافی کورستدی‌که بو مملکت اېندی یاشیرین روشده اوزی‌نینگ تشقی‌سیاستلری اوچون تروریستی گروهلر و جهادچیلردن فایده‌لنه آلمیدی. اوشبو اعتراف افغانستان و پاکستان اوچون بیر نېچه مهم تأثیرگه اېگه، بو ایکّی مملکت نینگ سیاسي کېله‌جگی اوچون حل قیلووچی اهمیتگه اېگه. پاکستان ایچکی ایشلر وزیری شیخ رشید احمد پاکستان نینگ مروت، لوی‌بیر، بارک و ترنول شهرلریده طالبان جنگریلری نینگ رهبرلری و عایله‌لری استقامت قیلیشینی انیق ایتدی.
بیرینچیدن؛ اوشبو اعتراف افغانستان‌ده‌گی اوروش رهبرلیگی پاکستانلیکلر و بو‌مملت حربيلری قۉلیده اېکنلیگینی کۉرسه‌ته‌دی. ” دام‌خروس” کتابی نینگ مؤلفی جنرال یوسف نینگ سۉزلریگه کۉره، پاکستان استخباراتی، افغانستان بیلن چېگره‌سینی اسلام‌اباد طرفداری بولگن جهادچی کوچلرنی جهازلش و اۉقیتیش و هندستان نینگ بو مملکتده تأثیرینی کمیتیریش یۉلی بیلن حل قیلماقچی. اسلام‌آباد، کابل‌ده دایمي و کوچلی اردو و منتظم توزیلمه‌لرگه اېگه بۉلگن کوچلی حکومت و مستقل تشقی سیاستنی ایسته‌مه‌یدی. پاکستانلیکلر کابلده‌گی کوچلی اوردو و کوچلی حکومتدن قۉرقیشه‌دی و افغانلر بیلن چېگره ماجراسیده‌گی اساسي تشویشلریدن بیری دېب بیلیشه‌دی.
ایکّینچیدن، افغانستان خلقی بیلیشی لازم که بونیابتی اوروش منطقه‌ده‌گی اېنگ کوچلی اردو و استخبارات گه ایگه مملکت تمانیدن آلعه سوریلماقده.
کریستین‌فیر نینگ سۉزلریگه کۉره، “آخرگی نفسگچه بۉلگن مشهور جنگ” کتلب مؤلفی؛ پاکستان اردوسی نینگ اوروش اصوللری پاکستان نینگ کۉپلب سیاسي و کوچ میکانیزملرینی پاکستان اردوسی باشقه‌ره‌دی و پاکستان حکومتی ترکیبیده دولت اردوسینی تشکیل اېته‌دی. شونده‌ی قیلیب، پاکستان نینگ اعترافی شونی کۉرسه‌ته‌دیکی، بو اوروش منطقوي و خلق‌ارا اهمیتگه اېگه بۉلیب، اونی دنیاده‌گی اېنگ کوچلی قۉشینلردن بیری قۉللب-قوّتله‌ماقده. تروریسم‌دن ارقه‌داشتیم قیلیشده عیبلنگن بو اردو، هندستان بیلن اوچ ییریک چېگره‌وي اوروش‌ني باشقریب غلبه قازانه‌آلمدی. بیراق، او هر دایم جهادچی کوچلر و تروریستی حرکتلردن رقیب بۉلگن دولتلرگه، جمله‌دن، هندستان و افغانستان‌گه سیاسي و حربي باسیمنی کوچه‌یتیریش اوچون ایش‌آلگن. باشقه‌چه قیلیب ایتگنده، اوروش‌نینگ تعریفلنگن اصوللریگه اعتبارربیرمی غلبه قازانیشنی اوزیگه مقصددقیلگن.
اوشبو اعتراف‌ده‌گی اوچینچی مسأله – پاکستان تشقی سیاستیده ترورچیلرنی قۉللب-قوّتلش و اولردن فایده‌لنیش نینگ خلق‌ارا عاقبتلری هم کتته اهمیت‌گه‌ایگه. دنیا بیلیشی کېره‌ککی، پاکستان منطقه‌ده‌گی و دنیاده‌گی تروریزم نینگ اساسي حاميلریدن بیری بۉلیب، دنیا خوفسیزلیگیگه تهدید ساله‌یاتگن بو یېرسیز جهادچیلر و جنگریلرنی قۉللب-قوّتلب کېلماقده. مملکتده القاعده نینگ سابق رهبری اسامه بن لادن نینگ بارلیگی، طالبان رهبرلری نینگ بارلیگی و مملکتده مینگلب جنگریلر و تروریستی حرکتلر نینگ جنگریلری بارلیگی و اېنگ مهم‌ی ایچکی ایشلر وزیری نینگ طالبان بیلن معامله قیلینگنلیگینی تن آلیشی پاکستان خوفسیز بۉلمه‌گن دولت صفتیده تروریستی حرکتلرنی قۉللب-قوّتله‌یدی و بو کوچلرنی اۉز چېگره‌لریدن تشقریده سیاسي مقصدلریده یاقیب یوباریشده فایده‌لنه‌دی.
افغانستانده سیاستچیلر و حاکمیت علمدارلری، طالبان و باشقه تروریستی حرکتلر نینگ انیق تعریفیگه اېگه بۉلیشلری کېره‌ک. پاکستان ایچکی ایشلر وزیری نینگ اقرارلیگی شونی کۉرسه‌ته‌دیکی، طالبلر قل جنگچیلر دیرکه، باشقه مملکت نینگ سیاسي مقصدلری اوچون اۉز حدودلریگه اۉت قۉیگن. شو نینگ اوچون افغانستان نینگ سیاسي رهبرلری طالبانگه انیق تعریف بېریشلری و طالبلر کیملیگی حقیده‌گی سوالگه جواب بېریشلری کېره‌ک؛ تروریستی آقیملرمی یاکه یاللنمه جنگچیلرمی؟ ناراضی برادرلرمی یاکه سیاسي رقیبلرمی؟ جهادي گروهی یاکه پاکستان سیاستی نینگ شریکلری؟ طالبان نینگ انیق تعریفی افغانستاننی طالباندن اجره‌تیب قۉییشی و برچه‌نی چېت اېل بیلن باغلیق بۉلگن انیقلنگن دشمنگه قرشی بیرلشتیریشی ممکن. اما افغانستانده قومی جنجاللر و قبیله‌لرگه منسوبلیک جنگاور حرکتلر نینگ موجودلیگی، دشمن‌ني انیق تانیب آلیش‌گه یولدقویمه‌گن. چونکه بعضی‌لر هنوزگچه طالبان‌نی تروریستی حرکت اېمس، بلکه ناراضی برادر دېب اۉیلشه‌دی.
