پاکستان و چین تشقی ایشلر وزیرلری افغانستانده آتش‌کیسیم برقرلرلیکی‌نی طلب ایتدیلر
neshananews
25 July 2021طالبان نینگ تومنلرنی اېگه‌للب آلیش اوچون هجوملری کوچه‌یگنیدن سۉنگ، پاکستان و چین تشقی ایشلر وزیرلری افغانستانده آتش‌کیسیم تامین‌لنیشی‌نی طلب ایتکنلر.
پاکستان تشقی ایشلر وزیری شاه محممود قریشي اۉزی نینگ تویتتېر-ده‌گی صحیفه‌سیده کېچه (شنبه ۲ اسد) پاکستان پایتختی اسلام‌آبادگه چین تشقی ایشلر وزیری وانگ‌یی بیلن اوچره‌شگنینی یازگن.
جناب قرېشی‌نی یازیشیچه، اوچره‌شوو چاغیده پاکستان و چین اۉرته‌سیده‌گی ایکّی تمانله‌مه علاقه‌لردن تشقری افغانستان تینچلیک جریانی هم محاکمه قیلینگن. جناب قرېشی نینگ سۉزلریگه کۉره، پاکستان و چین تشقی ایشلر وزیرلری افغانستانده زودلیک بیلن و هر تامانله‌مه آتش‌کیسیم تامین لنینی طلب ایتکنلر.
شاه محمود قریشی نینگ تأکیدلشیچه، اوروشده اشتراک اېته‌یاتگن برچه تمانلر، جمله‌دن افغانستان حکومتی و طالبلر مضمونلی و جدّي تینچلیک مذاکره‌لریگه کیریشیشی و مملکتده اوروشنی توگه‌ته‌دیگن کېنگ قمراولی سیاسي کېلیشووگه یۉل آچیشی کېره‌ک.
عینِ پیتده امریکا و اورپا دولتلری نینگ مخصوص وکیللری هم افغانستانده آتش‌کیسیم تامین‌لنیشی‌ني طلب ایتیب ، افغانستان حکومتی و طالباننی اوروشدن تینچلیککه اۉتیش میکانیزمی تۉغریسیده کېلیشیب آلیشگه چقیردی.
