پروان ده ایکّی ایناغه اۉرته‌سیده تۉقنه‌شوو اوچ کیشی نینگ اۉلیمیگه سبب بۉلدی
neshananews
20 June 2021پرواندهگی محلي رسميلر، بو ولایت نینگ بگرام تومنیده ایکّی ایناغه اۉرته‌سیده تۉقنه‌شوو، اوچ کیشی نینگ اۉلیمیگه سبب بۉلگنینی تصدیقله‌ماقده.
پروان پولیس‌قوماندانلیگی مطبوعات مسوولی سلیم نوری نینگ نشانه اخبارات اژانسی‌گه ایتیشیچه، تۉقنه‌شوو بوگون (۳۰ جوزا، یکشنبه) توشدن آلدین ولایت نینگ بگرام تومنی نینگ آب‌باریک حدودیده صادر بۉلگن.
جناب نوری تۉقنه‌شووده بیر آقسقال و اونینگ ایکّی جیینی هلاک بۉلگنینی توشونتیره‌دی. او ماجرانی باشلشگه تورتکی صفتیده یېر حقیده‌گی کیلیشموچیلیک ني سبب دیه‌ایتکن.
پروان پولیس قوماندانلیگی نینگ سوزچیسی ماجرا قندای یوزبیرگنی حقیده قۉشیمچه تفصیلاتلرنی کېلتیرمه‌گن.
مملکتده میراث قیلیب آلینگن یېرلرنی تقسیملش بۉییچه نزاع بیرینچی مرته اوج آله‌یاتگنی یۉق. جمعیتده میراث مسأله‌لری تۉغریسیده قانونی وشرعی معلوماتلری یۉقلیگی بو کبی قره‌مه-قرشیلیکلر نینگ اساسي سببلریدن بیری‌دیر.
