پروان ولايتي محلي رسميلريگه كوره طالبان عصيانچي لريني محلي اردونينگ بير پوسته سيگه قرشي اويشتيرگن كيچه گي هجومي نتيجه سيده يتي عسكر اولديريلگن.

پروان ولايت حاكمي سوزچي سي وحيده شهكار نشانه خبرآژانسي بيلن صحبت ده ديدي طالبان جنگچيلري اوتكن كيچه (پنجشنبه ٧ جوزا) ساعت ايككي اطرافيده پروان ولايتي نينگ سياهگرد تومني ني انتن منطقه سيده محلي اردو پوسته سيگه هجوم اويشتيريب محلي اردو يتي عسكرني اولديرگن. اونگه كوره بو هجوم ده بيرعسكر هم ياره لنگن و طالبان جنگچي لري ايككي عسكرني هم اوزلري بيلن آليب كيتكن.

پروان ولايت حاكمي سوزچي سي علاوه ايتي محلي اردونينگ بو پوسته حاضر اردوقوتلري كنترولي ده دير و بو توقنشوده طالبان گه هم تلفات يتكزيلگن.خانم شهكار اما بوتلفات حقيده تفصيلات بيرميدي.

عيني حالده حكومت و طالبان گروهي نينگ معتبر منبع لري اخبارات واسطه لرگه ايتكن كه كيله سي يتي كون گه قدر نارسمي آتش كيسيم مملكت ده دوام ايته دي.