پروان و پنجشير ده مخدره ماده لرني آلتي قاچاقچي سي توتقين ده آليندي
neshananews
29 September 2020ايچكي ايشلر وزيرليگي پروان و پنجشير ولايت لريده مخدره ماده لرني آلتي قاچاقچي سي قولگه آلينگني دن خبر بيردي.
بو وزيرليك بوكون ( سه شنبه ٨ ميزان) نشرايتكن خبرنامه سيده بو شخصلر قريب ١٥ كيلوگرام مخدره ماده لر بيلن قولگه آلينگني ني تاكيد لشكن.
خبرنامه ده بو قاچاقچي لردن بيش كيشي سي ١٤ كيلومخدره ماده ني انتقال بيريش چاغيده سالنگ تومنيدن و بيركيشي هم قريب بير كيلو مخدره ماده ني پنجشير ولايتي دن انتقال بيريش پيتيده قولگه آلينگني قيد ايتيلگن. پنجشير ولايتي نينگ مخدره ماده لرگه قرشي پوليسي بير نقليه واسطه ني هم قاچاقچي لردن قولگه آلگني دن خبر بيرگن.
مخدره ماده لرگه قرشي كورش پوليسي اوتكن كوني كابل ده مخدره ماده لرني ترقته ياتكان بير كاتته ترماق اعضالرني توتقين ده آلدي. سونگي پيتلرده مركزي ولايت لرده مخدره ماده لرگه قرشي كورش شدت آلگن كوپلب قاچاقچي لر قولگه آلينماقده.
