پكتياده موتربمب هجومي؛ عامه محافظت بوليمي اوچ عسكر اولديريليب و بيش عسكري ياره لندي
پكتيا ولايتي امنيتي مسووللري، بو ولايت مركزي گرديز شهريده پارتلوچي ماده جايلشتيريلگن موتر بمب پارتلشي نتيجه سيده امنيتي قوتلرنينگ اوچ عسكر اولديريليب و بيش عسكرهم جراحتلنگني ني تصديق لشكن.
پكتيا پوليسي مطبوعات دفتري نشر ايتكن خبرنامه سيده، بو واقعه بوكون( سه شنبه ١١ سنبله ) گرديز شهري مركزيده جايلشكن عامه محافظت اداره سي مقابيليده بو موتر بمب پارتلگني يازگن. خبرنامه گه كوره بو پارتلش ده بو اداره اوچ عسكر قربان بوليب و بيش عسكري هم جراحتلنگن.
پكتيا پوليسي معلوماتيگه كوره بو هجوم ده ايككي قوراللي هجومچي دخلدار بولگن و پوليس تمانيدن اولديريلگن. پكتيا پوليسي ني ايتيشيچه حاضر وضعيت گرديز شهريده عادي لشكن و منطقه امنيتي قوتلر كنترولي ده دير.
طالبان گروهي بو هجوم مسوليتي ني اوز ضممه سيگه آلگن.