پنجشیر ولایتی محلی رسمی لریگه کوره طالبان جنگچی لرینی عنابه تومنی گه قرشی هجومی بو تومن یشوچی لری تمانیدن دفع ایتلدی.

پنجشیر ولایت حاکمی سوزچیسی منصور عنابی نشانه خبر آژانسی بیلن صحبت ده دیدی بو هجوم بوکون ( سه شنبه بیرینچی میزان) بو ولایت نینگ عنابه تومنی نینگ بند قشلاقیده یولگه قویلدی. عنابی جنابلری علاوه ایتی طالبان گروهی نینگ بو هجومی محل یشوچی لری نینگ کیسکین مقاومتی بیلن دوچ کیلدی و نیچه ساعت لی توقنشو دن سونگ دفع ایتیلدی.

پنجشیر ولایت حاکمی سوزچی سی بو هجومده طالبان نینگ اوچ جنگچی سی اولدیریلگنی نی ایتیب و محل یشوچی لری دن بیر کیشی هم بو توقنشو جریانیده یاره لنگن. طالبان گروهی حاضرگه قدر بو حقده بیران نرسه ایتمگن/

اوتکن بیر آی جریانیده طالبان جنگی لر پنجشیر ولایتی گه قرشی ایککی بار هجوم اویشتیردیلر. طالبان جنگچی لری بوندن آلدین ۱۸ سنبله کونیده هم پنجشیر ولایتی نینگ بیرقشلاقیده هجوم قیلگندی.