چين تشقي ايشلر وزيري وانگ يي افغانستان ده برقرار بولگن اوچ كونليك آتش كيسيم ني آلقيشلب بومملكت اورشيده دخلدار بولگن تمانلردن سياسب كيليشوگه قول تاپيش ده سعي قيليشلريني طلب ايتكن.
پاكستان تشقي ايش وزيرليگي بوكون ( يكشنبه ٢٦ ثور) بيرخبرنامه نشر ايتيب يانگ يي جنابلري بوموضوع ني پاكستان تشقي ايشلر وزيري شاه محمود قريشي بيلن اوتكزگن صحبت ده تاكيدلشكني دن خبربيرگن.
خبرنامه گه كوره يي جنابلري فقط سياسب كيليشو بيلن افغانستان ده اوروش يكونلنيشي ممكن ديب ايتكن. اونگه كوره منطقه مملكت لري جمله دن چين و پاكستان بو پروسه ني آسانلشتيريش اوچون حركت قيليش لري كيرك دير.
چين تشقي ايشلر وزيري افغانستان اوروش و تينچليگي ده دخلدار بولگن تمانلر جا ي فرصت ده فايدلنيب بير هرتمان له مه صلح بيتيمي گه قول قويش بيلن بو مملكت ده دوام اينيب باره ياتكان اوروشگه نقطه قويشلري شرط ديب تاكيدلشكن.
رمضان هيتي كونلريده اوچ كونليك آتش كيسيم دن سونگ افغانستان دولتي و طالبان گروهي مذاكره قيلوچي هياتلري ارا سوزلشولر ينگي دوري قطرده باشلنگن.
بو گل طالبان افغانستان حكومتي قماقخانه لريدن يتي مينگ محبوسلريني قويب يوباريليشي طلب ايتكن. اما جمهوررييس غنيفقط بير هرتمان له مه كيليشو امضالنگني دن سونگ بو محبوسلر قويب يوباريليشي ني ايتكن.