کابل‌ده بیر امنیتی ملازم ترور بولدی
neshananews
16 June 2021کابل پولیسی، بیر امنیتی ملازم کابل‌شهریده تانیلمگن قوراللی‌لر تمانيدن ترور بولگنی‌ني تصدیقلشکن.
کابل پولیسی سوزچیسی معاونی بصیرمجاهدگه کوره بو امنیتی ملازم بوکون ( چهارشنبه ۲۶ جوزا) ایرته‌لب ساعت ۰۷.۳۰ کابل‌شهری بیشینچی امنیتی حوزه‌سیگه تیگیشلی ” ده‌عریان” منطقه‌سیده ترور بولگن.
مجاهدجنابلری بو شخص اویی‌دن ایش محلی تمان باره‌یاتکان پیتده تانیلمگن قوراللی تمانیدن نشانگه توتیلیب اوزجانی قولدن بیرگن.
مجاهدجنابلری، کابل پولیسی بو حادثه یوزیدن و بو ترور عامللرینی تانیش اوچون تیکشیرو ایشلرني باشلشگن ديدي.
حاضرگه قدر هیچ بیرگروه بو ترور مسولیتی‌ني اوز بوینگه آلمگن اما امنیتی اداره مسووللری بوندای واقعه‌لرنی طالبان جنگچیلریگه تیگیشلی دیب ایتیشماقده.
