کابل-جلال‌آباد شاه‌یولیده یوزبیرگن ایککی علیحده یۉل حادثه عاقبتیده ۲۰ کیشی هلاک بۉلیب، ۱۸ کیشی جراحتلندی
neshananews
31 July 2021لغمان محلي رسميلرینی تصدیقلشیچه، ولایت نینگ کابل-جلال‌آباد شاه‌یولیده یوزبیرگن ایککی علیحده ترافیکی حادثه عاقبتیده کمیده ۲۰ کیشی هلاک بۉلیب، ۱۸ کیشی جراحتلنگن.
لغمان پولیس قوماندانلیگی سوزچیسی شفیع‌الله افغانیار نینگ ایتیشیچه، بیرینچی حادثه کېچه (جمعه ۸ اسد) ولایت نینگ قرغه‌‌‌ی تومنی نینگ نارنج باغ حدودیده صادر بۉلگن.
جناب افغانیار نینگ قۉشیمچه قیلیشیچه، بیرکرولا موتر، یۉلاوچیلرنی انتقال بیرونی کاستر بیلن تۉقنه‌شگن. اونگه کۉره، بو حادثه عاقبتیده کمیده سکّیز یۉلاوچی هلاک بۉلگن و اۉن کیشی جراحتلنگن. اونینگ سۉزلریگه کۉره، بو واقعه قربانلری آره‌سیده عیاللر و باله‌لر بار.
لغمان پولیس قوماندانلیگی سوزچیسی نینگ سۉزلریگه کۉره، ایکّینچی واقعه بوگون اېرته‌لب کابل-جلال‌آباد شاه‌یولیده، قرغه تومنی نینگ خَم حدودیده صادر بۉلگن. جناب افغانیار نینگ تأکیدلشیچه، واقعه‌ده بیر‌سراچه موتر، کرولاتوریدن بولگن نقلیه واسطه بیلن تۉقنه‌شگن. اونینگ سۉزلریگه کۉره، بو واقعه ده ۱۲ کیشی هلاک بۉلگن وسکّیز کیشی یاره‌لنگن.
کابل-جلال‌آباد شاه‌یولی مملکت شرقیده‌گی اېنگ گوجوم قتناو یوللردن بیری‌دیر. بو شاه‌یول وقتی -وقتی بیلن بوندای هلاکتلی یۉل حادثه‌لری‌گه گواه‌دیر. حددن تشقری تېزلیک، یۉل حرکتی قاعده‌لرینی رعایه قیلمسلیک، بوندای حادثه‌لری نینگ اساسي سببلری حسابلنه‌دی.
