کابول اهالیسی خوفسیزلیک کوچلرینی قۉللب -قوّتلش اوچون تکبیر ایتهدیلر
مدافعه وزیرلیگی نینگ ایتیشیچه، هراتدن کېین کابل اهالیسی هم طالبان هجوملریگه جوابن و مملکت خوفسیزلیک کوچلرینی قۉللب -قوّتلب اوچون تکبیر کویلهیدیلر.
ملي مدافعه وزیرلیگی سوزچیسی اۉرینباسری فواد امان بوگون ( سهشنبه ۱۲ اسد) اۉزی نینگ تویتتېر -دهگی صحیفهسیده بو رمزي حرکت بوکیچه کېچقرون ساعت ۰۹:۰۰ ده بۉلیشینی یازگن.
جناب امان نینگ قۉشیمچه قیلیشیچه، کابل اهالیسی طالبان هجومیگه جوابن و مملکت خوفسیزلیک و مدافعه کوچلرینی قۉللب -قوّتلاش اوچون تکبیر کویلهیدیلر.
کېچه طالبان هرات ولایتیگه باستیریب کیرگنیدن سۉنگ، ولایت نینگ یوز مینگلب اهالیسی اۉز اویلری نینگ تامیگه چیقیب، خوفسیزلیک کوچلرینی قۉللب -قوّتلب تکبیر ایتدیلر. اولر نینگ بو حرکتی کېنگ ترقهلگن مناسبتلرگه سبب بولدی.
ملي یرهشیش عالي کېنگاشی رئیسی عبدالله عبدالله بو حرکتنی ابدي حماسه دېب بهالهدی و سابق جمهوررییس حامد کرزی هرات اهالیسی نینگ بو حرکتی ملي قۉزغآلان نینگ علامتی اېکنلیگینی و طالبان بونی جدّي آگاهلنتیریش صفتیده قبول قیلیشی کېرهکلیگینی ایتدی.