کانادا‌ني سابق ایلچیسی: ناتو، پاکستان‌ني افعانستان‌ده‌گی نیابتی اوروشی‌گه قرشی هیچ ایش قیلمه‌گن
neshananews
13 June 2021کانادانی افعانستان‌ده‌گی سابق ایلچیسی کریس الیکسندر، ناتو ۲۰۱۴ میلادی ییل‌دن حاضرگه قدر پاکستان‌ني افعانستان‌گه قرشی نیابتی اوروشی‌گه ضد هیچ‌بیر‌ایش قیلمگن دیب ایتکن.
الیکسندرجنابلری بوکون ( یکشنبه ۲۳ جوزا) تویتر‌صحیفه‌سیده پاکستان‌ني افعانستان‌گه قرشی نیابتی اوروشی‌دن تنقیدلشکن. اوني یازیشیچه بو اوروش دوام‌ایتیب باریشی هرکونی افغانستان اهالی‌سیدن قربانلیک آلماقده. الیکسندرجنابلری افعانستان‌گه قرشی بو نیابتی اوروش یکونلنیشی‌ني طلب ایتکن.
کانادانی سابق ایلچیسی اوتکن ایگرمه‌ییل جریانیده ناتو اتفاقی‌ني پاکستان‌گه‌قرشی هیچ بیر ایجابی حرکت قیلمگنی اوچون تنقید آستیده آلگن.
او علاوه ایتکن ۲۰۱۴ میلادی ییل‌دن سونگ افعانستان اوروشی کولمی کینگیدی اما ناتو بو توغریده هیچ مناسبت کورستمه‌دی.
بو اظهارات اوندای بیرحالده اورته‌گه قویلگن که سونگی وقتلرده افعانستان ملي خوفسیزلیک کینگاشی مصلحتچی‌سي حمدالله‌محب و پاکستان تشقی‌ایشلر‌وزیری شاه‌محمود‌قریشی ارا کیسکین لفظی تارتیشو یوز بیردی.
محب‌جنابلری، اسلام‌آبادنی اوز چیگره‌سيني افغانستان ایچکریسیده اوزیتیریش مقصدیده طالبان‌دن حمايت ایتیش‌ده عیب‌لشیب و پاکستان دولتی‌ني فاسد اته‌دی. اما قریشی، حمدالله‌محب اظهاراتی پاکستان ملتی قانی‌ني جوشقین‌گه کیلتیرگن‌دیب جواب بیردی.
