کرونا-سه

کروناویروسینی اوچینچی‌تولقینی خطری؛ بدخشان یشوچیلری‌دن ۸۰ فایزی ” کووید ۱۹ ” گه چلینگن

neshananews

06 June 2021

بدخشان ولایتی عامه ساغلیک اداره‌سي مسووللری بو ولایت ده کروناویروسی ییرلگنی و ساغلیک ني سقلش توصیه‌لري‌گه نسبتن اهالی‌نینگ بی فرق ایکنی‌ني دن خواتیربیلدیریب بو ولایت یشوچیلری کروناویروسینی اوچینچی‌تولقین خطری بیلن یوزمه یوز دیرلر دیب ایتکن. عامه ساغلیک اداره‌سي مسووللرینی ايتيشيچه تیکشیریلگن نمونه‌لر و کسللرگه موجود بولگن نشانه‌لرگه اساسن بو ولایت یشوچیلریدن ۸۰ فایزی کروناویروسینی یوقتیرگن.

بدخشان عامه ساغلیک اداره‌سي اوتکن کونی ( شنبه ۱۵ جوزا) نشرایتکن خبرنامه‌سیده بو ولایت مرکزی و تومنلری‌ده کروناویروسی کینگ‌کولمده ییرلیشی‌گه قرگنده اویلریدن چیقمس‌لیکلرینی طلب ایتیب و ساغلیک ني سقلش توصیه‌لريگه جدی عمل قیلیشیلرینی تاکیدلشکن‌. بو خبرنامه‌ده، مردم اگر ضرورت بولگن تقدیرده اوی‌لریدن چقیش گه مجبور بولسه‌لر نقاب یا ماسک دن فایده‌لنیب اجتماعی مسافه‌ني رعایت ایتیشلری طلب ایتیلگن.

عینی‌حالده بدخشان عامه ساغلیک اداره‌سي رییسی نورمحمدخاوری ديدي کروناویروسی اوچینچی تولقینی ییرلماقده و بدخشان یشوچیلری ساغلیک ني سقلش توصیه‌لريگه بی فرق قالمسلیک‌لری لازم‌. خاوری جنابلریگه کوره اوتکن ۲۴ ساعت ده ۱۹۲ شبهه‌لي نمونه دن ۱۱۳ نمونه‌سي مثبت ایکن.

خاوری جنابلری علاوه ایتدی بو رقم بو ولایت‌ده کووید۱۹ گه چلینگن کیشیلر سانی کوپ بولگنی‌دن دلالت بیره‌دی‌ و ساغلیک ني سقلش توصیه‌لريگه مردم عمل قیلمسه‌لر وضعیت کنترول‌دن چیقیشی ممکن.

او تاکیدلشدی بو ولایت یشوچیلری هوتللر و باشقه عمومی محللرده توی، یغینلر و گوجوم مراسملر اوتکزیش‌دن وازکیچیشلری لازم.

بدخشان عامه ساغلیک اداره‌سي رییسی نماز اوقوچیلر ارا بیریریم مترلیک مسافه‌ني رعایه ایتیلیشی، هرکونی نيچه بار قوللرینی صابون بیلن یویش و ولایت‌دن تشقری و باشقه مملکتلرگه سفر قیلیش‌دن وازکیچیش بیلن بو کسللیک خطریدن امان قالیش‌لری ممکن دیب ایتکن.

بدخشان عامه ساغلیک اداره‌سي رییسی شونینگ‌دیک دولتی اداره‌لرده ماسک تاقتیش جبری بولیشی لازم دیب ماسک ساتیب‌آلیش‌ده قرب‌لری یتمه‌یاتکان کیشی‌لرگه ماسک ترقتیش ایشی تیزلشتیریلیشی لازم دیدی‌. خاوری‌جنابلری بدخشان یشوچیلریدن بو کسللیک نشانه‌لرینی کورگنی‌دیک اوزلرینی قرنطینه‌قیلیب و یا ساغلیک ني سقلش مراقبت‌لر اوچون اویلریگه یقین بولگن مرکزلرگه مراجعه ایتیشلرینی تاکیدلشدی.

بدخشان‌ده کروناویروسینی یوقتیرگن بیمار‌لر اما کووید۱۹ شفاخانه‌سيده کیرکلی بولگن امکانیت‌لر یوقلیگیدن شکایت ایتماقده‌لر. اولر، شفاخانه‌لرده هیچقندای امکانیت یوق دیب ادعا قیلگن‌لر. کروناویروسینی یوقتیرگن بیمار‌لرگه کوره شفاخانه‌ده کیرک بولگن آکسیجن تاپیلمیدی و شو سبب‌دن بیمارلر اویلریده اوزلرینی قرنطینه قیلگن.

بدخشان کووید۱۹ شفاخانه‌سي مسوولی شاهدالله‌دانشی، بوشفاخانه ده یوز بیمارنی یاتقیزیش امکانیتی‌بار اگر بیمار‌لر سانی کوپیسه بیز کوپ معما و قیینتچیلیک‌گه دچار بولیشی‌میز ممکن دیدی‌.

دانشی‌جنابلری بدخشان شفاخانه‌سي حاضرچه اوتکن ییل‌دن قالگن و محلی امکانیتلر بیلن تولدیرلگن آکسیجن دن فايده‌لنه‌دی‌ دیدی. اونگه کوره کندز و بلخ ولایتلریدن کیرک بولگن آکسیجن ني تامینلش اوچون انتیلیش و سعی و حرکتلر نتیجه‌سیز قالگن و عامه ساغلیک وزیرلیگی همکارلیگی بیلن بو کمچیلیک‌ني برطرف ایتیشده سعی و حرکتلر دوام ایتماقده دیدی‌.

بدخشان ولایتی کروناویروسی‌گه قرشی شفاخانه‌سي مسوولی، عامه ساغلیک وزیرلیگی، ایران و مرکزی آسیا مملکتلریدن آکسیجن ساتب‌آلیش بیلن مملکت شفاخانه‌لرینی آکسیجن‌گه بولگن احتیاجلرینی تامینلشده وعده بیرگن دیب ایتی. اما بو وعده حاضرگه قدر عملی بولمگن.

بدخشان عامه ساغلیک اداره‌سي مسووللری ني ايتيشيچه کروناویروسی تاپیلیشی‌دن حاضرگه قدر بو ولایت‌ده ۱ مینگ و ۱۱۷ کیشی بو ویروسینی یوقتیرگن و بو آره‌دن ۳۰ کیشی اوزجانی نی قولدن‌بیرگن و ۶۸۷ کیشی هم ساغلگن و قریب ۴۰۰ کیشی حاضر دوالنماقده.