دولت بودجه سیدن بدخشان نینگ « کووید۱۹» شفاخانه سی اوچون ساتیب آلینگن دارو درمان وطبی اسباب اسکونه لرنی بیرینچی قسمی بدخشان ولایتی مرکزی کسلخانه سیگه تاپشیریلدی. بدخشان محلی مقاملریگه کوره بو اسباب اسکونه لربستر، چپرکت، دارو و ساغلیک نی قلش ماده لردن عبارت دیر. دولت بو اسباب و ماده لرنی ساتیب آلینیشی اوچون ۴۸ میلیون افغانی اجرتکن. بدخشان محلی رسمیلری بو اسباب و ماده لر یتیب کیلگنی بیلن بدخشان نینگ کووید۱۹ شفاخانه سی و بدخشان اولسوال لیک لریده ایجاد ایتیلگن سکیز زون احتیاجلریدن کتته قسمی برطرف ایتله دی.

 بدخشان ولایت حاکمی محمدسودا ذکریا اوتکن کونی (شنبه ۱۳ثور) بو ماده لرنی تسلیم بیریش مراسمی ده دیدی:« بدخشان محلی حکومتی کرونا ویروسی گه قرشی کورش نی تیزلشتیریش و کووید۱۹ ویروسی نی یوقتیرگن لرسانی کوپیگن حالده بو اشیالرنی ساتیب آلگن دیدی.» بدخشان حاکمی بو ماده لر فیض آبادشهریده ایجاد ایتیلگن ۱۲۰ یاتاقلی شفاخانه و بدخشان اولسوال لیک لریده ایجاد بولگن ۸ شفاخانه احتیاج لرینی برطرف ایته دی دیب ایتی.

 بدخشان عامه ساغلیک ادراه سی ریسی نورخاوری هم دیدی بو اشیا و وماده لر یتیب کیلیشی بیلن بو ولایت کووید ۱۹ شفاخانه سی وولایت سطحی ایجاد ایتلگن ۸ زون نینگ برچه احتیاجلیک لری تامین لنگن. خاوری جنابلری علاوه ایتی:« اگر کرونا ویروسی بدخشان ده کوپ ییرلسه ۱۲۰ یاتاقلی شفاخانه دن علاوه بدخشان نینگ سکیزمنطقه سیده ۲۰ دن ۵۰ یاتاقلی شفاخانه لرکرونا ویروسی نی یوقتیرگن لردارو درمانی اوچون ایجاد ایته میز.»

 بدخشان عامه ساغلیک ادراه سی ریسی ، نیگه کرونا ویروسی نی یوقتیرگن لردرمانی اوچون صنعی تنفس دستگاه لری و کرونا ویروسی نی انیقلنتیروچی دستگاه لر ساتیب الینمگن دیب سورلگن سوالگه بوندای جواب بیردی؛ کیله سی بیرهفته گه چه کروناویروسی نی انتیق لنتیروچی دستگاه وشونینگ دیک کووید۱۹ شفاخانه سی نینگ باشقه بیرقطار طبی ضرورت لری آغاخان بنیادی تمانیدن بو ولایت اختیاریگه قویله دی.

 مرکزی حکومت بدخشان ولایتی ده کرونا ویروسی نینگ ایلک مثبت واقعه سی رویخط ده آلینگن دن سونگ ۱۵۰ میلیون افغانی بودجه اجرتدی. بدخشان محلی رسمی لری بو مبلغ دن طبی اسباب اسکونه لرساتیب آلینیشی، اهالی گه معلومات یتکزیش و حاجتمند عایله لرگه یاردم یتکزیش ده صرفلنیشی نظرده آلینگن دیب ایتکن لر.

  کرونا ویروسی گه قرشی کورش ده احرتیلگن بودجه و یاردم یتکزوچی ارگان لرتمانیدن کمک بولگن مبلغ لر حیف و میلی دن تشویش لر آرتیب باررایکن اما بدخشان ولایت حاکمی، بو بودجه قندای صرفلنگنی دن مردم گه بیرمه بیر راپور بیریلیشی دن ایشانچ بیلدیردی. بدخشان محلی رسمیلری دیدیلردولت و یاردمچی موسسه لرتمانیدن بولگن یاردم لردن علاوه بو یوقمه کسل لیک گه قرشی کورش اوچون محلی منبع لردن فایده لنیش هم ضروردیر.

 بدخشان عامه ساغلیک ادراه سی معلومات لریگه کوره کرونا ویروسی ییرلگنی دن حاضرگه قدر بو ولایت ده ۶۰ شبهه لی واقعه نمونه سی کابل گه جونتیلگن. بوندن فقط اوچ ته مثبت بولگن. بدخشان عامه ساغلیک ادراه سی مسوللریگه کوره کرونا ویروسی نی یوقتیرگن اوچ کیشی دن ایککی کیشی سی ساغلگن و شفاخانه دن رخصت بولگن.حاضرچه کرونا ویروسی نی یوقتیرگن فقط بیربیمار بو ولایت نینگ کووید۱۹ شفاخانه سیده سخلنماقده.