افعانستان عامه ساغلیک وزیرلیگی مملکت ده کرونا ویروسی اوچینچی تولقینی باشلنگنی بیلن اون آلتی ولایت ده عالی اوقویورتلر و مکتبلر تعطیل ايتيليشي ني اعلان ایتی.
عامه ساغلیک وزیرلیگی بوکون( شنبه ۸جوزا) ایرته‌لب بیر خبرنامه نشر ایتب کابل، غزنی، هلمند، قندهار، لوگر، ننگرهار، لغمان، بدخشان، کاپیسا،کندز، نیمروز، پکتیا، پروان، میدان وردک، پنجشیر ولایتلری عالی اوقویو ت، مکتبلر و برچه تعلیمی مرکزلری ایککی هفته تعطیل ایتیلیشی دن خبربیرگن.
بووزیرلیک خبرنامه سیده بوتعطیل لیک دولتی عالی اوقویورتلر، مکتبلر و تعلیمی مرکزلرگه تیگیشلی بولگنی و بوکون دن ( شنبه ۸جوزا ) باشلنیشی تاکیدلنگن.
عامه ساعلیک وزیرلیگ لر عالی اوقویورتلر و مکتبلرنی گوجوم محللر ایکنی ني تاکیدلب بو مرکزلرده کرونا ویروسی ییرلیشی خطری باشقه جای لردن کوره کوپراق دير دیگن.
عامه ساغلیک وزیرلیگی عینی زمانده مملکت یشوچیلریدن کروناویروسی ییرلیشی آلدینی آليش اوچون ساغلیک ني سالش چاره تدبیرلرنی جدي رعایت ایتیشلرینی طلب ایتکن.
سونگی کونلرده کرونا ویروسینی یوقتیرگن لر سانی شدت بیلن آرتیب بارماقده. عامه ساغلیک وزیرلیگی معلوماتیگه کوره کرونا ویروسی اوچینچی تولقینی اوز اوجیگه یقین بولگن.
عامه ساغلیک وزیرلیگی ده ر یخط ده آلینگن رقملرگه کوره اوتکن ۲۴ ساعتده مملکت ده قریب مینگ کشی بو ویروسنی یوقتیرگن.