کرونا واکسنی نینگ ایکّیته کتّه تۉپلمی هندوستان و امریکادن کېلتیریله‌دی
neshananews
20 June 2021ساغلیقنی سه‌قلش وزیرلیگی سرپرستی وحید مجروح نینگ ایتیشیچه، هندوستان و امریکادن کرونا واکینی نینگ ایکّیته کتّه تۉپلمی آلیب کېلینماقده.
جناب مجروح بوگون (۳۰-جوزا، یکشنبه) کابلده اۉتکزیلگن مطبوعات انجمنیده هندوستان حکومتی نینگ واکسنی تۉپلمی می آیی نینگ آخریده اېتیب کیلیشینی ایتدی. اونگه کۉره، کروناواکسنی نینگ اوشبو یاردم تۉپلمی دېیرلی ۵۰۰۰۰۰ دوز‌دن عبارت دیر.
جناب مجروح، شونینگدېک، امریکادن افغانستانگه کتّه مقدارده‌گی کرونا واکنسی یوباریلیشینی اعلان قیلدی. ساغلیقنی سه‌قلش وزیرلیگی سرپرستی توشونتیریشیچه، مقداری حلی انیقلنمه‌گن اېملش یاردمی تۉپلمی افغانستانگه اسد نینگ باشیده کېله‌دی.
ساغلیقنی سه‌قلش وزیرلیگی رهبری اکسیجن اېتیشماوچیلیگینی مملکتده‌گی کرونا نینگ اوچینچی تۉلقینینی باشقه‌ریشده جدّي معمالردن بیری دېب ایتکن. اونینگ سۉزلریگه کۉره، کروناویروس بیلن کسللنگنلر اوچون مخصوص شفاخانه‌لرده یاتاقلر سانی ایکّی برابر کۉپه‌یگن بۉلسه-ده، آکسیجن اېتیشماوچیلیگی طفیلی معمالر کوپیماقده دیگن.
جناب مجروح تأکیدلشیچه، کروناویروسی نینگ اوچینچی تۉلقینی نینگ ترقه‌لیشی حاضرچه کمه‌یمه‌یدی و کېلگوسی قربان هییتی‌ده اوشبو ویروس نینگ ترقه‌لیشی اوّلگیگه نسبتاً کۉپه‌ییشی ممکن. اونگه کۉره، مملکت نینگ برچه ولایتلریده الّه‌قچان ویروس نینگ کېنگ ترقه‌لیشی کوزه‌تیلماقده.
جناب مجروح اهالی‌نی قربان هییتی پیتیده اجتماعي مصافه‌نی سه‌قلشگه و ویروس نینگ ترقه‌لیشی نینگ آلدینی آلیشگه چقیره‌دی.
کارانه ویروسی نینگ اوچینچی تۉلقینی تخمیناً تۉرت هفته آلدین مملکت نینگ شرقي ولایتلریده باشلنیب، برچه ولایتلرگه اېتیب باردی. اوشبو ویروس نینگ اوچینچی تۉلقینی ترقه‌لیشی اۉرته‌سیده هند کرونا (دېلتا) توری هم ترقه‌لماقده. اوشبو تورده‌گی کروناویروسی جوده خوفلی‌دیر.
