عامه ساغلیک وزیرلیگی ني اعلان قیلیشیچه اوتکن ۲۴ ساعتده مملکت ده کرونا ویروسینی یوقتیرگن ۲۰ بیمار اوزجانی نی قولدن بیریب و ۱۶ ولایت ده ۶۵۴ ینگی واقعه رویخط ده آلینگنی دن خبر بیرگن.
عامه ساغلیک وزیرلیگی بوکون( شنبه ۸ جوزا) کرونا ویروسینی یوقترگنلر کونده لیک رقملرینی نشرایتیب یازگن ۶ کیشی کابل ده، ۲- ۲ ‌کیشی قندهارد، ننگرها، پکتیا و هلمند ده و بیر- بیر کیشی هم هرات، بلخ، تخار، بغلان، بدخشان و کنر ولایتلریده اشبو ویروس طفیلی عالم دن اوتکن.
شونینگ دیک بو وزیرلیک اوتکن ۲۴ ساعت ده کروناویروسینی یوقتیریش گه شبهه لنگن ۲مینگ و ۸۷۱ واقعه مملکت لابراتوارلریده تیکشیریلگنی دن خبربیرگن. بو آره دن ۶۵۴ مثبت واقعه ۱۶ ولایت ده انیقلنگن.
عامه ساغلیک وزیرلیگی معلوماتیگه کوره ۲۳۴واقعه کابل ده، ۱۳۲ واقعه بلخ ده، ۶۰ واقعه قندهارده، ۴۹ واقعه لوگر ده، ۳۴ واقعه کندزده، ۲۶- ۲۶ واقعه هلمند ده، ۲۶ واقعه لغمان ده، ۲۴ واقعه نیمروز ده، ۲۱ واقعه تخار ده، ۱۵ واقعه کندز ده، ۱۱- ۱۱ واقعه زابل و کنر ده، ۱۰ واقعه نورستان ده، ۹ واقعه ننگرهار ده، ۶ واقعه غزنی ده و ۲ واقعه هم فاریاب ده رویخط ده آلینگن.
بو بیلن مملکت ده کرونا ویروسینی یوقتیرگنلر توپلم سانی ۷۰ مینگ و ۷۶۱ کیشی گه یتکن و بودن ۵۷ مینگ و ۲۸۱ کیشی سي قیته ساغلگن و ایککی مینگ و ۹۱۹ کیشی هم اوز جانلرینی قولدن بیرگن.