قیسغه مدتلی دستورلر آرقلی کسب و مهارتلرنی اورگتیش مرکزلر سونگی ییل لرده بیر قطار دولتی ارگان لر تمانیدن رواجلنگی بیرتماندن محلی ایشلب چیقاریش محصولات ترقیاتی گه سبب بوگنی دن علاوه مملکت بویلب مینگلب یاشلرگه ایش و درآمد زمینه سینی مساعد ایتکن. بدخشان ولایتی ده هم نیچه ییل دن بویان تورلی کسب و مهارت نی اورگنیش اوچون یوزلب یاشلرنی  قیزیقتیریب و حاضرچه بو یاشلر قالین نوقیش، سنگتراشلیک، خیاطلیک، میوه و سوت پروسسی بویچه ایش بیلن بند بولیب بو مهارتلردن درآمد کسب ایتیب کیلماقده لر.

بدخشان محلی رسیمیلریگه کوره دولت کسب و مهارت اورگتیش مکتب لرنی ایجاد ایتیش آرقلی بازار ضرورتلرینی انیقلب و اونگه مظابق تورلی ساحه لرده یاشلرنی تربیه لش دستورینی قول اوستیگه آلگن دیب ایتکن.بدخشان ولایتی ایش و اجتماعی ایشلر اداره سی مسوللری اگر هر بیر تومن ده بو مکتب لر ایجاد بولسه بو مکتب لر آرقلی مینگلب کیشی تورلی مهارت لرنی اورگنیب هم ایش ایگه سی بوله دی و باشقه تماندن محلی اقتصاد رواجلنیشی و عایله لر درآمدی یوکسلیشی گه ییریک حصه قوشیشی نی تاکیدلشکن.

بدخشان ولایتی ایش و اجتماعی ایشلر اداره سی ریسی شفیق ایوبی بو ولایت ده تورلی کسب و مهارتلرنی اورگتیش اوچون قولی ظرفیت و امکانیت لربارلیگی نی اورته گه قویب بو ایش عملی بولگن تقدیرده کوپلب یاشلر ایش ایگه سی بولیب محلی اقتصاد رواج رونق تاپیشی نی اورغولیدی. اونگه کوره بدخشان ولایتی ده سنگتراشلیک اوچون کوپلب کانلر بارلیگی، میوه پروسسی اوچون باغدارلیک رواجلنگنی و شونگه اوخشش قول صناعتی نینگ خیاطلیک، قالین توقیش اوچون خام اشیا موجود بولگنی نی اورته گه قویب اگر بو مکتب لر ایجاد بولسه ایش سیز قالگن کوپلب کیشی لرگه مناسب ایش زمینه لری ایجاد ایتیلشی دن سوز بیره دی.

بدخشان ولایتی ایش و اجتماعی ایشلر اداره سی ریسی بو اداره بیرقطار یاردمچی ارگانلر همکارلیکی بیلن نیچه ییل دن بیری بو ولایتی نینگ تورلی تومنلریده یوزلب یاشلرگه مهارت و کسب اورگتیش زمینه لرینی مساعد ایتیب اولرنی ایش بازارلریگه داخل قیلگنی دیدی.

عینی حالده بو ولایت نینگ ایش و اجتماعی ایشلر ادراه سی نینگ تخنیکی و مسلمی مهارتلرنی اورگتیش بولیمی مسولی نظرحمد نظری، بو مکتب لرده درس اوقیش گه قیزیققن کشی لر بازار ضرورتی گه مطابق تعلیم آستیده آلینیشی نی تاکیدلب شونی اوچون تعلیم کورگن کیشی لر توغریدن توغری ایش بازاریده داخل بولیب ایش سیزلیک دن قوتیله دیلر دیدی. نظری جنابلریگه کوره بدخشان مرکزی فیض آباد شهریده تورلی مهارتلرنی تعلیم بیروچی انیستیتوتی ایجاد بولیشی بیلن اوچ مینگ کیشی دن کوپراق یاشلر تخنیکی و مسلکی بولیم لرده مهارت اورگنیش اوچون مراجعه قلیب درخواست بیرگنلر دیدی.اما بو اداره مناسب تعلیمی فضاگه ایگه بولمگنی اوچون یالغیز آلتی یوز کیشی گه تعلیم زمینه سینی مساعد ایتیش ده امکانیتی باردیدی.

بو اداره مسولی بو مرکزنینگ قورلیش ایشلری بیتکزیلیشی بیلن و بدخشان ولایتی نی بیر قطار تومنلریدن ینگی مرکزلر ایجاد ایتیلیشی بیلن یاشلرنی جذب ایتیش میزانی کوتاریلیب و بدخشان ولایتی ایش و اجتماعی ایشلر اداره سی هرییلی قریب بیر مینگ کیشی نی تعلیم بیریش امکانیتی گه ایگه بوله دی دیدی. تخنیکی و مسلکی تعلیمات بولیمی مسوللریگه کوره حاضرچه بدخشان ده ۱۵ تعلیمی مرکز موجود دیر و اوندن تورت مرکزی اوتکن ییلی ایجاد بولیب و کیله سی شمسی ییل ده بو مرکزلر سانی ۲۰ مرکز گه کوپیشی نظرده آلینگن دیب تاکیدلشکن.

نظری جنابلری فیض اباد شهریده معارف وزیرلیگی تمایندن تورلی مهارتلرنی اورگتیش انیستیتوتی بناسی نینگ قورلیش ایشلری بیتکزیلشی بیلن، ۳۰ تخنیکی ساحه لرده یاشلرگه تعلیم زمینه سی مساعد ایتله دی دیب ایتی.

باشقه تماندن بدخشان ولایتی مدنی قوریلمه لر ریسی سیف الدین ساییس جنابلری تورلی کسب و مهارتلرنی تعلیم بیروچی بوندای مکتب لر ایجاد ایتیلیشی محلی اقتصاد رواجلنیشی و ایش سیزلیک میزانی کمیشی بو ولایت ده مساعد بولیب بوندای مهارتلرنی اورگتیش و تعلیم بیریش مکتب لرنی ایجاد ایتیلشی افغانستان ده بیر اساسی ضرورت دیر و شو بیلن مملکت ده اقتصادی رواجلنیش اوچون مناسب فرصت ایجاد ایتیلشی ممکن دیب تاکیدلشکن.

هرییلی کانکور سیناویده قتنشگن مینگلب چه یاشلر مملکت عالی اوقویورتلریده جذب ایتیلیش میزانی آز بولگنی اوچون عالی تعلیمات دن محروم قاله دیلر و بونگه علاوه خصوصی عالی درگاه لرده تعلیماتلرینی دوام ایتیریش اوچون خراجتی کوپ بولگنی و عایله لراکثریتی قشاق و کم بغل ایکنی اوچون کوپلب یاشلر عالی تعلیمات دن محروم قالیب ایش و درآمد کسب ایتیش اوچون قوشنی و منطقه مملکت لریگه مهارت قلیش گه مجبور بوله دیلر. اما مملکت ولایت مرکزلری و خصوصن تومنلریدن تورلی مهارتلر و کسب لرنی اورگتیش انستیتوتلری ایجاد ایتیلشی مملکت یشوچی لریگه بو امیدنی توغدیرگن که فرزندلری بو مرکزلرده مناسب کسب و مهارت نی اورگنیب ایش سیزلیک و امیدسیزلیک دن قوتیلیب کونده لیک روغارلرینی شو مهارتلر آرقلی اوتکزیش ده قادر بولیش لری ممکن بولگنی دن امیدلر هم کوپیگن.