ملي مدافعه وزیرلیگی ني اعلان قیلیشیچه ملي اردو کماندو قوتلری بغلان ولایتی ده طالبان قماقخانه سیدن ۶۲ محبوس ني قوتقرگنی دن خبر بیرگن.
ملي مدافعه وزیرلیگی بوکون( چهارشنبه ۵ثور) نشر ایتکن خبرنامه سیده بو محبوسلر اوتکن کیچه مرکزی بغلان تومنی گه تیگیشلی بولگن ” نوروزک” قشلاقی دن قوتقریلگن.
بو وزیرلیک خبرنامه سیده قویب یوباریلگن محبوسلردن ۳۶ کیشی سي امنیتی قوتلر ملازم لری و ۲۶ کیشی سي عادی اهالی بولگنی تاکیدلنگن. خبرنامه گه کوره بو قماقخانه نینگ تورت قوریقچی سي امنیتی قوتلر بیلن توقنشوده اولدیریلگنی هم قید ایتیلگن.
طالبان گروهی حاضر گه قدر بو حقده بیران نرسه ایتمگن.
ایککی کون آلدین هم ملي اردو کماندولری اونلب محبوسلرنی هرات و بغلان ولایتی ده طالبان محبوسلریدن قوتقرگندی.