کندز ولایتی خان‌آباد تومنی طالبان نظارتیدن چیقاریلدی
neshananews
16 June 2021کندز ولایتی محلی رسمیلری بو ولایت‌نینگ خان‌آباد تومنی امنیتی قوتلر تازه‌لش عملیاتی نتيجه‌سیده قیته امنیتی قوتلر نظارتي گه اوتگنی‌ني اعلان ایتکن.
کندز پولیس باشلیغی فرید‌مشعل، قوشمه امنیتی قوتلر مردمی کوچلر همکارلیگی بیلن اوتکن کیچه ( سه‌شنبه ۲۵جوزا) طالبان جنگچی لری نظارتي گه اوتگن کندز‌ولایتی خان‌آباد تومنی‌نینگ برچه منطقه‌لری‌ني قیته تصرف ایتدیلر دیدی.
کندز پولیس قوماندانی گه کوره طالبان‌نینگ حربی ایشلر مسوولی قاری‌محمد هاشم داخل بو گروه‌نینگ ایگرمه‌دن آرتیق جنگچیلری بو تازه‌لش عملیات‌ده اولدیریلگن.
خان‌آباد تومنی ایککی کون آلدیت طالبان‌نینگ هجومی آرتیدن بو گروه جنگچیلری نظارتیگه اوتکندی. کندز ولایتی امنیتی مسووللری بو ولایت‌ده طالبان نظارتیگه اوتکن برچه منطقه‌لرنی تصرف ایتیش اوچون سعي و حرکتلر دوام ایتماقده دیب ایتکن.
