کندز ولایتی امنیتی مسووللری بو ولایت ده استخبارتی فعالیت لر و تروریستی هجوملر یولگه قویشی عیبلوی بیلن تورت کیشی توتقین آلینگنی دن خبر بیرگن.
کندز پولیس سوزچیسی انعام الدین رحمانی بوکون ( سه شنبه ۲۸ ثور) نشانه خبر آژانسی بیلن صحبت ده بو تورت کیشی کندز پولیسی تروریسم گه قرشی کورش اداره سی ملازملری تمانیدن توتقین ده آلینگنی دن خبر بیرگن.
رحمانی جنابلری توتقین ده آلینگن بو شخص لر کوپ مدتلردن بیری کشفی و استخباراتی اداره لر نظارتی آستیده بولگنی نی تاکیدلب و بو شخصلر استخباراتی فعالیت لر و تروریستی هجوملرنی ریجه لشتیریش عیبلوی بیلن توتقین ده آلینگن دیب علاوه ایتی.
کندز پولیسی مسووللریگه کوره بو تورت کیشی کندز مرکزی و نیچه تومنی ده قولگه آلینگن . رحمانی جنابلری اما بو شخص لر قیسی تروریستی گروه لرگه تیگیشلی بولگنی دن معلومات بیرمگن.
پولیس خبرنامه سیگه کوره بو شخصلر کدز شهریده تروریستی فعالیت لرده دخلدار بولگنلرینی اعتراف ایتکنلر. بو شخصلر دوسیه سی عدلی و قضایی اداره لرده جونتیلگنی خبرنامه ده ایضاحلنگن.
مملکت نینگ بیرقطار ولایت لریده داعش، القاعده و طالبان تروریستی گروه لری اعضالری استخباراتی و حربی فعالیت لرنی بجریب کیلماقده. دولت بو گروه لرنینگ برچه اعضالرینی توتقین ده آلیش ده حاضرگه قدر کوچ سیز دیر.